ఒలింపిక్స్‌లో మన సంఖ్య పెరిగింది
close
Updated : 20/07/2021 00:50 IST
Facebook Share Twitter Share WhatsApp Share Telegram Share Link Share

ఒలింపిక్స్‌లో మన సంఖ్య పెరిగింది

లింపిక్స్‌ కౌంట్‌డౌన్‌ మొదలైంది. ఏ దేశం ఎన్ని పతకాలను సాధిస్తుందోనన్న చర్చలు, అంచనాలూ షరామామూలే. కానీ తెలుసా.. ఈసారి పోటీల్లో ఓ ఆసక్తికర అంశం జోడైంది. అదేంటంటే.. అమ్మాయిలకు ప్రాముఖ్యం పెరగడం. టోక్యో ఒలింపిక్స్‌ థీమ్‌ ‘జెండర్‌ బ్యాలెన్స్‌’. ఈసారి 49% మంది మహిళలు పాల్గొనేలా చూస్తామని అంతర్జాతీయ ఒలింపిక్‌ కమిటీ ముందుగానే ప్రకటించింది. దీనికి సమర్థనగానా అన్నట్టు పెద్ద దేశాల నుంచి అబ్బాయిల కంటే అమ్మాయిలే ఎక్కువగా బరిలోకి దిగుతున్నారు.

ఈ క్రీడల ఆతిథ్య దేశం జపాన్‌ నుంచి పాల్గొంటున్న 552 మంది ఆటగాళ్లలో 259 మంది అమ్మాయిలు (47 %), 293 మంది అబ్బాయిలు. మనదేశం నుంచి 127 మంది క్రీడాకారులు పాల్గొంటుండగా 71 మంది పురుషులు, 56 మంది మహిళలు. అంటే 44 శాతం అన్నమాట. ప్రారంభోత్సవంలోనూ పోటీ పడుతున్న అన్ని జాతీయ పారాలింపిక్‌ కమిటీలూ తమ జెండాను ఒక మహిళ, ఒక మగ అథ్లెట్‌ ప్రదర్శించేలా ప్రోత్సహిస్తారు. టోక్యో 2020 ఆర్గనైజింగ్‌ కమిటీ బోర్డులో మహిళల శాతాన్ని 42కు పెంచారు. ఒలింపిక్స్‌ వంటి ప్రతిష్ఠాత్మక పోటీల్లో గెలవడం కంటే పాల్గొనడం ముఖ్యమని నిర్వాహకుల్లో ఒకరన్నారు. నిజమే మరి! ముందు అవకాశమంటూ వస్తేనే కదా... గెలుపు సాధ్యమయ్యేది. ఈ ఆలోచన క్రీడారంగంలో అమ్మాయిల ప్రాతినిధ్యం పెరిగేందుకు దోహదపడుతుందని ఆశిద్దాం.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని