కదలలేకపోయినా కళ ఉంది!
close
Published : 31/07/2021 03:23 IST

కదలలేకపోయినా కళ ఉంది!

ఆమెను మంచానికి పరిమితం చేసింది... చేతి వేళ్లు తప్ప అవయావాలేవీ పనిచేయకపోయినా ఆమెలోని సృజనాత్మకత మాత్రం కళారూపాలను తయారు చేయిస్తోంది . కాళ్లపై నిలవలేకపోయినా... చిరువ్యాపారిగా మారి ఆర్థికస్వాలంబన సాధిస్తూ.. ఎందరికో స్ఫూర్తిగా నిలుస్తోంది కర్ణాటకకు చెందిన మీనా.

శివమొగ్గ జిల్లాలోని హోసహల్లికి చెందిన మీనా కండరాల వ్యాధితో పుట్టింది. బాల్యంలో కష్టపడి నాలుగడుగులు వేయగలిగినా, క్రమేపీ కండరాలు బలహీనపడటం మొదలైంది. దాంతో కొంత కాలానికే నడవలేని స్థాయికి చేరింది. అయితే చదువుకోవాలనే పట్టుదలతో అప్పటికే పదోతరగతి పూర్తి చేసింది. ఆ తర్వాత పూర్తిగా మంచానికే పరిమితమవడంతో ఒంటరి జీవితానికి అలవాటుపడింది. ఆ ఒంటరితనమే ఆమెలోని కళాకారిణిని బయటకు తీసుకొచ్చింది. కళపై ప్రేమను అభిరుచిగా మార్చుకుంది మీనా.

తోటివారి చేయూత లేనిదే చిన్న పని కూడా చేసుకోలేని ఆమె తనలోని నిరాశను కళవైపు తిప్పుకొంది. దాంతో యూట్యూబ్‌లో కలర్స్‌ను ఉపయోగించడం, బొమ్మలు గీయడమెలాగో గ్రహించింది. అలాగే గృహోపలంకరణ వస్తువుల తయారీపై ముంబయి ఆర్ట్‌ అండ్‌ క్రాఫ్ట్‌ నుంచి కోర్సు పూర్తి చేసింది. అలా తాను తీసుకున్న శిక్షణతో సొంతంగా కళారూపాలను వేయడం మొదలుపెట్టింది. కీ, ఫొటో, వాల్‌ హోల్డర్స్‌, కీ బంచ్‌ హ్యాంగర్స్‌, వాచ్‌ బాక్సులు, బాటిల్‌ వర్క్‌  వంటివన్నీ రూపొందిస్తోంది. సెరామిక్‌ గ్లాస్‌ టెక్నిక్‌, మీడియం డెన్సిటీ ఫైర్‌బోర్డ్‌ వంటి వాటిలో నైపుణ్యాన్ని పొందడంతో ఈ తరహా కళారూపాలను తయారు చేయగలుగుతున్నా అంటోంది. ‘24 గంటలూ మంచంపైనే ఉండే నేను అమ్మా నాన్నలకు భారం కాకూడదనుకున్నా. అందుకే మనసుకు నచ్చిన కళను కష్టమైనా కూడా నేర్చుకున్నా. దాన్నే ఉపాధిగా మార్చుకున్నా. ఈ ఆలోచనను నా స్నేహితులు చెప్పారు. ఆన్‌లైన్‌లో నేను చేసిన కళారూపాల ఫొటోలను పొందు పరచడం ద్వారా చాలామంది నన్ను సంప్రదిస్తున్నారు. అలా ఇప్పుడు మన దేశం, విదేశాల నుంచి కూడా ఆర్డర్లు వస్తున్నాయి. ఇది చాలా ఆనందంగా అనిపిస్తుంది. అయితే ఒక్కో కళారూపాన్నీ తీర్చిదిద్దడానికి గంటల సమయం పడుతుంది. అయినా సహనంగా పూర్తి చేస్తుంటా. ప్రతి రోజూ కొత్త కొత్త టెక్నిక్స్‌నూ కనిపెడుతూ ఉంటా. వాటిని మరొక దాంట్లో వినియోగిస్తా. నాలా ఉండే వారికి నేను స్ఫూర్తిగా నిలవాలనుకుంటున్నా. పట్టుదల ఉంటే ఎటువంటి అనారోగ్యమూ మన లక్ష్యాన్ని మాత్రం ఓడించలేదు’ అని గుండెల నిండా ఆత్మవిశ్వాసంతో చెబుతోంది మీనా.

మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని