నువ్వే నా ప్రాణం నేస్తమా!
close
Updated : 01/08/2021 05:20 IST

నువ్వే నా ప్రాణం నేస్తమా!

నేడు స్నేహితుల దినోత్సవం

ఎన్ని బంధాలున్నా, ఎంతమంది బంధువులున్నా స్నేహబంధం ప్రత్యేకం. ఒకసారి కన్నీరు తుడిచే చేయైతే.. ఇంకోసారి భుజం తట్టే ప్రోత్సాహమవుతారు. అందుకే స్నేహితులూ కుటుంబంలో భాగమేనంటారు చాలామంది. అందుకు మేమూ మినహాయింపు కాదంటున్నారు మన తారలు. తమ స్నేహితులు తమ జీవితంలో ఎంత ముఖ్యమో మనతో పంచుకుంటున్నారు.

ఆ ముగ్గురూ ఉంటే చాలు!

- నందితాశ్వేత

నా బెస్ట్‌ ఫ్రెండ్స్‌ సౌమ్య, హేమలత, అజయ్‌. వీళ్లు మా కుటుంబ సభ్యుల్లాగే. సౌమ్య నా స్కూల్‌ ఫ్రెండ్‌. నాకంటే రెండేళ్లు పెద్దది. మా స్నేహం 17 ఏళ్లుగా కొనసాగుతోంది. నన్ను నిత్యం కనిపెట్టుకొని ఉంటుంది. తను దూరంగా ఉన్నా ఫోన్‌ చేసి మాట్లాడితే చాలు మనసు  తేలికపడుతుంది. వీళ్లు ముగ్గురూ లేకుండా ఉండలేను. బెంగళూరు నుంచి హైదరాబాద్‌కు వచ్చి సినిమాల్లో నటిస్తున్నానంటే వాళ్లు నాకు అండగా ఉండబట్టే. సినీ పరిశ్రమలో ఐశ్వర్య రాజేశ్‌ నాకు మంచి స్నేహితురాలు. నేను, తనూ ఒకే తమిళ సినిమా ద్వారా పరిచయం అయ్యాం. మిగతా వాళ్లందరితో కూడా స్నేహం ఉంటుంది. స్నేహితులంటే విందులు, వినోదాలకు వచ్చే వాళ్లే కాదు. మన సంతోషం, దుఃఖంలో పాలుపంచుకోవాలి. విలువైన స్నేహితులు ఇద్దరు ఉన్నా చాలని కోరుకుంటా.


వాళ్ళను చూశాకే...

- శివాత్మిక రాజశేఖర్‌

నాకు చాలా తక్కువ స్నేహితులున్నారు. మా సోదరి శివాని, ఇషా రెబ్బా మంచి స్నేహితులం. ఇంకా కొంతమంది దగ్గరి స్నేహితులుంటారు. చిన్నప్పటి నుంచీ శివానీ ఫ్రెండ్సే నా ఫ్రెండ్స్‌. నాకంటూ వేరే గ్రూప్‌ ఉండేది కాదు. తను ఎవరితో ఉంటే వాళ్లే నా ఫ్రెండ్స్‌ అయిపోయేవాళ్లు. చిన్నవయస్సులో అమ్మానాన్నలతో ఎక్కువగా షూటింగ్స్‌కు వెళ్లేవాళ్లం. ఇప్పుడిప్పుడే కొంతమంది అమ్మాయిలతో స్నేహం ఏర్పడింది. కొత్త వాళ్లు ఏవరైనా ఫ్రెండ్స్‌ ఉన్నారంటే అది ఇషారెబ్బా. తనతో మూడేళ్లుగా స్నేహం ఉంది. ఒక అవార్డు షోలో తనతో బాగా పరిచయం ఏర్పడింది. నేనొక షూటింగ్‌కు వెళ్లి వస్తుంటే నన్ను పికప్‌ చేసుకోడానికి శివాని, ఇషా వచ్చి ఫ్రెండ్‌ షిప్‌ డే సర్‌ప్రైజ్‌ ఇచ్చారు. తల్లిదండ్రులు ఉన్నప్పటికీ మన సంతోషాన్ని, బాధను పంచుకునే స్నేహితులు కూడా ఉండాలి. నేను ఒకరోజు జిమ్‌ కు రాలేదంటే శివానీ, ఇషా వచ్చి తీసుకెళ్తారు.  కొంత మందికి మాత్రమే నిజాయతీ పరులైన స్నేహితులు దొరుకుతారు. మా అమ్మానాన్నలు ఇప్పటికీ వాళ్ల కాలేజి, స్కూల్‌ ఫ్రెండ్స్‌ తో టచ్‌లో ఉంటారు. అవన్నీ చూసే స్నేహం విలువ తెలిసింది.


 అబ్బాయిలే ఎక్కువ!

- ప్రియాంక జవాల్కర్‌, తిమ్మరుసు ఫేమ్‌

నాకున్న స్నేహితుల్లో చాలా మంది అబ్బాయిలే. చిన్నప్పుడు నిఖిల్‌, లోహి, కౌశిక్‌ చాలా క్లోజ్‌ ఫ్రెండ్స్‌. క్రికెట్‌ ఆడటానికి వెళ్తూ నన్నూ తీసుకెళ్లేవాళ్లు. నాకు ఆట రాకపోవడంతో ఎంపైర్‌గా నిల్చోబెట్టి వాళ్లు ఆడుకునేవాళ్లు. పాఠశాల స్థాయిలో రుక్యా అనే అమ్మాయి నా బెస్ట్‌ ఫ్రెండ్‌. ఎప్పుడూ తనదే ఫస్ట్‌ ర్యాంక్‌. తనతో కలిసి చదువుకునేదాన్ని. తర్వాత కళాశాలలో హర్ష అనే అమ్మాయి పరిచయమైంది. తనతో స్నేహం ఇప్పటికీ కొనసాగుతూనే ఉంది. తరుచూ మాట్లాడుకుంటూనే ఉంటాం. అలా... ఏ వయసులో ఆ స్థాయికి మంచి స్నేహితులు దొరికారు. కానీ అన్నింటికంటే మా అమ్మే నా బెస్ట్‌ ఫ్రెండ్‌. చిన్నప్పుడు అమ్మతో అన్ని విషయాలూ పంచుకునేదాన్ని. సినీరంగంలోకి అడుగుపెట్టాక అమ్మతో ఇక్కడి విషయాలు  పెద్దగా పంచుకోవడం లేదు. వాళ్లకు ఇక్కడి సంగతులు పెద్దగా తెలియవు. కొట్టుకోవడం, తిట్టుకోవడం, గొడవపడటం అంతా అమ్మతోనే జరిగేది. ప్రేమ, కోపం, ద్వేషం అన్ని అమ్మతోనే. మా అమ్మకూడా నన్ను మంచి స్నేహితురాలిగా చూస్తుంది. అలాగే నా తొలి చిత్రం టాక్సీవాలా దర్శకుడు రాహుల్‌, గమనం చిత్ర దర్శకురాలు సృజనతో మాట్లాడి నిర్ణయాలు తీసుకుంటాను. టాక్సీవాలా సినిమా చేసేటప్పుడు విజయ్‌ దేవరకొండతో మంచి స్నేహం ఏర్పడింది. సెట్‌ లో, కెమెరా ముందు ఎలా ఉండాలనేది బాగా చెప్పేవాడు. ఆ ప్రోత్సహం ఎప్పటికి మరిచిపోలేను.


- సతీష్‌ దండవేణి, ఈటీవీ, హైదరాబాద్‌

మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని