డ్రోన్‌ తయారీలో ఆ నలుగురు
close
Published : 05/08/2021 01:11 IST

డ్రోన్‌ తయారీలో ఆ నలుగురు

ప్రకృతి విపత్తులు, ప్రమాదాల్లో చిక్కుకుని, ఎవరూ గుర్తించలేకపోవడంతో కొందరు ప్రాణాలు కోల్పోయిన సంఘటనలు ఆ నలుగురు అమ్మాయిలను కలచివేశాయి. దానికి పరిష్కారం కనిపెట్టాలని భావించి ఓ ఆవిష్కరణ చేశారు.  వారెవరు, అదేంటో చదివేయండి.
2018లో కేరళలో వరదలు ముంచెత్తాయి. అప్పుడు ఎందరో ప్రాణాలూ కోల్పోయారు. వారిలో ఎవరూ గుర్తించక చనిపోయిన వారి సంఖ్య ఎక్కువ. అదే ఆ స్నేహితుల్ని బాధించింది. వారిని సకాలంలో కనిపెట్టగలిగి ఉంటే కొందరైనా ప్రాణాలతో బయట పడేవారు కదా అని బాధపడ్డారు. భవిష్యత్తులో ఇలాంటి పరిస్థితులు ఎదురుకాకుండా ఓ పరిష్కారం చూపించాలనుకున్నారు. వారే త్రిశూర్‌ ప్రభుత్వ ఇంజినీరింగ్‌ కాలేజీ చివరి సంవత్సరం విద్యార్థినులు లక్ష్మి, శృతి, నందన, మనల్‌ జలీల్‌. కొన్నాళ్ల మథనం తర్వాత వాళ్ల అసిస్టెంట్‌ ప్రొఫెసర్‌ మార్గదర్శకత్వంలో ఓ డ్రోన్‌ తయారు చేశారు. ప్రమాదకర పరిస్థితుల్లో, ఎవరూ అడుగు పెట్టలేని ప్రాంతాల్లో చిక్కుకునే వారిని ఇట్టే గుర్తించగలిగే సాంకేతికత ఇందులో ఏర్పాటు చేశారు. భూమికి పది మీటర్ల ఎత్తులో ఎగురుతూ, సెకనుకు 15 మైళ్ల వేగంతో ఏకబిగిన రెండు కిలోమీటర్లు ప్రయాణించగలిగేలా రూపొందించారు. ఇది పావు గంటసేపు ఒకేచోట గాలిలో స్థిరంగానూ ఉండగలదు.‘ఈ డ్రోన్‌కు సాంకేతికత, ఆర్థిక సాయాన్ని ‘ద ఇంటర్నేషనల్‌ సెంటర్‌ ఫర్‌ ఓపెన్‌ సోర్స్‌ సాఫ్ట్‌వేర్‌’ అందించింది. కేరళలో జెన్‌స్కిల్‌ సంస్థ నిర్వహించిన పోటీల్లో 27 బృందాలు పాల్గొనగా వీరి బృందం విజేతగా నిలిచింది. దీన్ని కేవలం రూ.24వేలకే అందిస్తామనీ’ చెబుతోంది ఈ బృందం. భవిష్యత్తులో ప్రభుత్వ విభాగాలు వినియోగించేలా మా ప్రాజెక్టును మరింత అభివృద్ధి చేస్తాం అని చెబుతోన్న ఈ అమ్మాయిల బృందం ఆలోచనా, కృషి స్ఫూర్తిదాయకం కదూ.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని