తన పవర్‌ బ్యాంకుకు ఆక్స్‌ఫర్డ్‌ అవార్డు!
close
Updated : 07/08/2021 03:02 IST

తన పవర్‌ బ్యాంకుకు ఆక్స్‌ఫర్డ్‌ అవార్డు!

ఆ అమ్మాయి ఉన్నత విద్య చదువుకుంది. మంచి ఉద్యోగమూ సంపాదించుకుంది. జీవితం హాయిగా సాగిపోతోంది. తను అంతటితో తృప్తి పడలేదు. తన తెలివి, సృజన వీలైనంత ఎక్కువ మందికి ఉపయోగపడాలనుకునేది. అలా తన మేథోమథనంలోంచి పుట్టిందే ఓ పవర్‌ బ్యాంకు. మార్కెట్లో చాలా ఉన్నాయి కదా అంటారా? అదే ప్రేరణ ప్రత్యేకత. తను కనిపెట్టిన పవర్‌ బ్యాంకుకు ఆక్స్‌ఫర్డ్‌ విశ్వవిద్యాలయం ‘వైస్‌ ఛాన్సెలర్స్‌ సోషల్‌ ఇంపాక్ట్‌ అవార్డు’ను ఇచ్చింది. అంతగా దాంట్లో ఏం ప్రత్యేకత ఉందీ అంటారా? అయితే చదవండి...

బెంగళూరు ఐఐఎంలో కంప్యూటర్‌ ఇంజినీరింగ్‌లో పీజీ చేసింది ప్రేరణ వాదీకర్‌. తర్వాత ఆక్స్‌ఫర్డ్‌ విశ్వవిద్యాలయంలో ఉపకార వేతనాన్ని సాధించి ఎంబీఏ చేసింది. కొవిడ్‌ నేపథ్యంలో వీధి దుకాణ దారులు, చిన్న పరిశ్రమల నిర్వాహకుల ఇబ్బందులను గమనించింది. తేలికగా ఛార్జింగ్‌ అయ్యేలా, బ్యాటరీని పోలిన పోర్టబుల్‌ ఎనర్జీ యాక్సెస్‌ సౌకర్యాన్ని వారికి అందేలా చేయాలనుకుంది. విద్యుత్తుతో పనిచేసే చిన్న చిన్న పరికరాలకు అవసరమైతే వెంటనే ఛార్జింగ్‌ అందించేలా ఏదైనా కనిపెట్టాలనే ఆలోచనతో కృషి చేసింది. ఓ సరికొత్త పవర్‌ బ్యాంకును తయారు చేసింది. దీన్ని సోలార్‌ ప్యానెల్‌ లేదా ఎలక్ట్రిక్‌ గ్రిడ్‌తో ఛార్జింగ్‌ చేయొచ్చు. దీని బరువు అరకేజీ కన్నా తక్కువే ఉండటంతో తేలికగా ఎక్కడికైనా తీసుకెళ్లొ చ్చు. కరెంటు లేనప్పుడు చిన్న ఫ్రిజ్‌ను కూడా ఈ పవర్‌ బ్యాంకుతో పనిచేయించొచ్చు. దీన్ని 6-8 గంటలసేపు ఛార్జ్‌ చేస్తే చాలు. 75 (వాట్‌ అవర్‌) డబ్ల్యూహెచ్‌కు సరిపడా పవర్‌ను అందిస్తుంది. దీంతో మూడు డివైస్‌లకు ఒకేసారి ఛార్జింగ్‌ చేసుకోవచ్చు. లిథియం - అయాన్‌ బ్యాటరీని ఉపయోగించి దీన్ని రూపొందించింది.

వారి కోసమే...

బెంగళూరులో డిస్ట్రిబ్యూషన్‌, మార్కెటింగ్‌లో కెరీర్‌ను ప్రారంభించింది ప్రేరణ. పలు రంగాల్లో అడుగుపెట్టిన ఈమె, దేశ విదేశాలకు వెళ్లేది. ‘‘మన దేశంతో పాటు ఇథియోపియా, నైజీరియా వంటి చోట్ల పనిచేస్తున్నప్పుడు వీధి వ్యాపారులను చూసేదాన్ని. మన దేశంలో కోట్ల మంది చిరు వ్యాపారులున్నారు. చాలామందికి విద్యుత్తు సౌకర్యం ఉండదు. దాంతో వీరికి తీవ్రంగా నష్టాలెదురవుతుంటాయి. చాలాచోట్ల ఛార్జింగ్‌ సౌకర్యమూ ఉండదు. కొన్ని చోట్ల విద్యుత్తు కోతా ఎక్కువ. అటువంటి ప్రాంతాల్లో వ్యాపారుల ఇబ్బందులను గమనించా. అప్పుడు వచ్చిన ఆలోచనే ఈ పవర్‌బ్యాంకు. సామాన్యులకు కూడా అందుబాటులో ఉండేలా రూపొందించా. దీన్ని చిరు వ్యాపారులకే కాదు, గ్రామీణ ప్రాంతాల్లోని చిన్న చిన్న పాఠశాలలు, మొబైల్‌ ఆసుపత్రులకు కూడా వినియోగించొచ్చు. ఈ పైలట్‌ ప్రాజెక్టును మొదట బెంగళూరులో ప్రారంభించా. జీవా గ్లోబల్‌ సంస్థ పేరుతో దీన్ని మార్కెట్‌లోకి ప్రవేశపెడుతున్నా. ప్రభుత్వ సహకారంతో చిరువ్యాపారుల జీవితాల్లో వెలుగులు నింపడానికి కృషి చేస్తా. ఆక్స్‌ఫర్డ్‌ అవార్డు నాలో ప్రోత్సాహాన్ని నింపుతోంది’ అంటోన్న ప్రేరణ యువతకు నిజంగా ప్రేరణ కదూ.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని