బుర్జ్‌ ఖలీఫా.. ఎక్కేసింది!
close
Updated : 11/08/2021 14:01 IST

బుర్జ్‌ ఖలీఫా.. ఎక్కేసింది!

ఒక ఎయిర్‌హోస్టెస్‌.. తన సంస్థ గురించి చెబుతూ ఫ్లకార్డులు ప్రదర్శిస్తోంది. అవి పూర్తవగానే కెమెరా ఆమె ముఖం మీద నుంచి దూరంగా జరుగుతూ వెళుతోంది. చూసే కొద్దీ ఆమె నిల్చున్నది ఓ ఎత్తైన భవనంపై అని తెలుస్తుంది. ప్రపంచవ్యాప్తంగా వైరల్‌ అయిన ఈ వీడియో ఓ విమానయాన సంస్థకు చెందిన యాడ్‌ ఇది. అదంతా గ్రాఫిక్స్‌ అనుకుంటే మాత్రం పప్పులో కాలేసినట్లే!

ఎమిరేట్స్‌ ప్రతినిధులు యూఏఈ నుంచి యూకేకి ప్రయాణాలు పునరుద్ధరించడంతో ఓ యాడ్‌ తీయాలనుకున్నారు. అందుకు ప్రదేశంగా..ప్రపంచ అతిపెద్ద కట్టడం బుర్జ్‌ ఖలీఫా (828 మీటర్లు)నూ యూకేకు చెందిన నికోల్‌ స్మిత్‌ లడ్విక్‌ను నటించడానికీ ఎంచుకున్నారు. ఈమె స్కైడైవింగ్‌ ఇన్‌స్ట్రక్టర్‌. వీడియోను సోషల్‌ మీడియాలో విడుదల చేయగానే ఎంతోమందిని ఆకట్టుకోవడంతోపాటు ఇదంతా గ్రాఫిక్స్‌ అనే కామెంట్లూ వచ్చాయి. కానీ సంస్థ ఇంకో వీడియోను విడుదల చేసింది. బుర్జ్‌ ఖలీఫాలోని 163 ఫ్లోర్స్‌లో 160వ అంతస్తు వరకే లిఫ్ట్‌ సౌకర్యం ఉంది. అక్కడి నుంచి స్కైస్క్రేపర్‌ వరకు నడకే మార్గం. చేరడానికే గంట పట్టింది. ఆపైన నికోల్‌ చేసిన ప్రాక్టీస్‌, డ్రోన్‌తో తీసిన విధానం మొదలైనవన్నీ దీనిలో చూపించారు. కిందపడకుండా ఏర్పాటు చేసిన హుక్‌ మినహా ప్రత్యేకమైన భద్రతా ఏర్పాట్లుకానీ, గ్రీన్‌మ్యాట్‌ సహా వేటినీ దీనిలో ఉపయోగించలేదు. దీంతో అసలు దానికంటే ఇది మరింత వైరల్‌ అవుతోంది. అంతేకాదు.. ఆ అమ్మాయి తెగువకు పొగడ్తలతోపాటు ‘ఆమె అక్కడ నిల్చోవడం చూస్తేనే గుండె కొట్టుకునే వేగం రెట్టింపవుతోంది. మేము నిలబడాలన్న ఆలోచనకే భయపడతా’మంటూ కామెంట్లు పెడుతున్నారు. కానీ నికోల్‌ మాత్రం.. ‘నేను ఇప్పటివరకూ చేసిన స్టంట్‌ల్లో ఇదే అత్యుత్తమం. చేస్తూ ఎంత ఎంజాయ్‌ చేశానో చెప్పలేను’ అంటూ ఆనందం వ్యక్తం చేస్తోంది.




మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని