వెదురు ఊపిరులూదింది!
close
Updated : 18/08/2021 05:42 IST

వెదురు ఊపిరులూదింది!

తమ ఉత్పత్తులతో ఆదాయం పొందడమే కాకుండా పర్యావరణానికీ మేలు చేస్తున్నారు ఈ అక్కాచెల్లెళ్లు. ప్లాస్టిక్‌కు ప్రత్యామ్నాయంగా వెదురుతో వంటింటి ఉపకరణాలు, ఇంటీరియర్‌ వస్తువులు రూపొందిస్తున్నారు. వంద మందికి పైగా చేతివృత్తుల వారికి ఉపాధి కల్పిస్తున్నారు. తాజాగా కొత్తరకం టీ పొడులను తయారు చేశారు. ఎవరు వాళ్లు? వాళ్ల ప్రత్యేకత ఏమిటో చూడండి...

అక్షయ శ్రీ, తరుశ్రీ, ధ్వనిశ్రీ  అక్కాచెల్లెళ్లు... వీళ్లది దిల్లీ. ‘శిల్పకర్మన్‌’ బ్రాండ్‌తో వెదురు మగ్గులు, కప్పులు, ఫ్లాస్క్‌లు, హోమ్‌డెకార్‌, ఫర్నిచర్‌.. ఇలా పదిహేడు రకాల ఉత్పత్తులను రూపొందిస్తున్నారు. ఈ వ్యాపారాన్ని ప్రారంభించింది అక్షయ్‌శ్రీ అయినా మిగతా ఇద్దరూ ఆమెకు అండగా ఇందులోకి వచ్చారు. తరుశ్రీ క్లినికల్‌ సైకాలజిస్ట్‌, అక్షయ్‌ బిజినెస్‌ ఎకానమిక్స్‌ చదివితే, ధ్వని ఫిల్మ్‌మేకింగ్‌ కోర్సు చేసింది.
‘మా నాన్న ఓ ఫిల్మ్‌ మేకర్‌. తనతోపాటు చాలా ప్రదేశాలు తిరిగాం. ప్రతి ప్రాంతంలోనూ స్థానిక సంప్రదాయ హస్త కళలను చూస్తే చాలా ఇష్టంగా అనిపించేది. అందుకే అక్షయ వెదురుతో వ్యాపారం చేస్తానని అన్నప్పుడు మాకూ ఆ ఆలోచన నచ్చింది. తనకు అండగా నిలబడ్డాం’ అని చెప్పుకొచ్చారు తరు, ధ్వని. 2017లో ‘శిల్పకర్మన్‌’ పేరుతో వెదురు ఉత్పత్తులను అమ్మడం మొదలుపెట్టింది అక్షయ. ‘త్రిపురలో నలుగురు చేతి వృత్తి కళాకారులతో దీన్ని ప్రారంభించాం. ఇప్పుడు మూడు వందలమంది పనిచేస్తున్నారు. ప్రారంభంలో వెదురుతో మగ్గులు, కప్పులు, ఫ్లాస్క్‌లను తయారుచేశాం. ఆ తర్వాత చాపలు, గృహోపకరణాలు, ఫర్నిచర్‌ తయారీని మొదలు పెట్టాం. ఇప్పుడు మాస్కులనూ రూపొందిస్తున్నాం’ అని వివరించారు వాళ్లు.

మొదట్లో ఉత్పత్తులను విదేశాలకు ఎగుమతి చేయడంపై దృష్టి పెట్టారు. అయితే అంతలో ఓ దెబ్బ తగిలింది. ‘2008లో గ్రీస్‌ ఎగ్జిబిషన్‌కు వెళ్లే అవకాశం వచ్చింది. మా ఉత్పత్తులకు అక్కడ తగిన ఆదరణ లభించలేదు. దాంతో లక్షల్లో నష్టం వచ్చింది. ఇక వ్యాపారం మానేద్దామనుకున్నా. కానీ ఒక్క సారిగా ఆపేయలేం కదా. మెల్లిమెల్లిగా తగ్గిదామనుకున్నాం’ అని గుర్తు చేసుకుంది అక్షయ. తర్వాత ఆన్‌లైన్‌లో కొనేవారి సంఖ్య పెరగడాన్ని గమనించింది. ఇక వ్యాపారాన్ని ఆపేయాలనే ఆలోచనకు ఫుల్‌స్టాప్‌ పెట్టింది.

అయితే ఉన్న వాటికి తోడుగా కొత్తగా మరేదైనా చేయాలని నిర్ణయించుకుంది. అప్పుడొచ్చిన ఆలోచనే ‘బ్యాంబూ టీ’. ఇందుకోసం త్రిపురలో సేంద్రియ విధానంలో పెంచుతున్న వెదురు మొక్కల ఆకులను సేకరిస్తున్నారు. వీటిని సహజ పద్ధతుల్లో ఎండబెట్టి రకరకాల రుచుల్లో టీ పొడులను, అదీ పూర్తిగా చేత్తోనే తయారు చేస్తున్నారు. వెదురు ఆకులు, రకరకాల పదార్థాలను కలిపి తొమ్మిది రకాల ఫ్లేవర్లలో టీలను తయారు చేశారు. దీనికి ‘బీయుటీ’ అని పేరు పెట్టారు. ఈ టీలో పోషకాలతోపాటు సూక్ష్మ పోషకాలైన సిలికా, జింక్‌, పొటాషియం మెండుగా ఉంటాయి. అన్ని పరీక్షలూ పూర్తి చేసుకున్న ఈ టీలకు పేటెంట్‌, ఎఫ్‌ఎస్‌ఎస్‌ఏఐ సర్టిఫికెట్‌ కూడా తీసుకున్నారు. గతేడాది మేలో ‘బ్యాంబూ టీ’ పేరిట మార్కెట్లోకి విడుదల చేశారు. దానికి వస్తున్న ఆదరణ చూసి ఉబ్బితబ్బిబ్బు అవుతున్నారు. దీనివల్ల మిగిలిన ఉత్పత్తులకూ డిమాండ్‌ పెరిగిందని మురిసి పోతున్నారు. వైవిధ్యంగా చేస్తే విజయవంతం అవుతామని భరోసాగా చెబుతున్నారీ యువ వ్యాపారవేత్తలు.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని