ఆమె డిజైన్‌కు..ఎర్రతివాచీ పరిచారు!
close
Published : 18/08/2021 01:27 IST

ఆమె డిజైన్‌కు..ఎర్రతివాచీ పరిచారు!

ఏదైనా వేడుక రాగానే చాలామంది అమ్మాయిలు.. ‘అబ్బా.. వేసుకోవడానికసలు బట్టలే లేవు’ అంటారు. బీరువా తెరిస్తేనేమో రకరకాల డ్రెస్‌లు! ఇవన్నీ ఉన్నాయి కదా! అంటే.. ఫలానా అప్పుడు వేసుకున్నామని సమాధానం. ఫ్యాషన్‌ రంగం అభివృద్ధికి కారణం తెలిపే ఉదాహరణే ఇది. కానీ ఒక్కో డిజైనింగ్‌కు ఎంత వృథా అవుతోందో, పర్యావరణానికి అదెంత హాని చేస్తోందో తెలుసా అని ప్రశ్నిస్తోంది సనా శర్మ. దాన్ని పరిష్కరించే టెక్నిక్‌ను కనిపెట్టడంతోపాటు దాని ద్వారా ప్రతిష్ఠాత్మక పురస్కారాన్నీ సొంతం చేసుకుంది. మన దేశం నుంచి దీన్ని అందుకున్న మొదటి అమ్మాయి తనే.
సనాశర్మకి చిన్నప్పటి నుంచీ ఫ్యాషన్‌ డిజైనింగ్‌ అంటే ఇష్టం. పర్యావరణ ప్రేమికురాలు కూడా. పెరల్‌ అకాడమీ నుంచి ఫ్యాషన్‌ అండ్‌ అపారల్‌ డిజైన్‌లో బీఏ చేసింది. అప్పుడే ఈ రంగంలో ఉన్న పోటీతోపాటు పర్యావరణానికి జరుగుతున్న హానినీ అర్థం చేసుకుంది. ‘ఒక డ్రెస్‌ డిజైనింగ్‌లో ఇప్పటికీ కనీసం 15 శాతం వస్త్రం వృథా అవుతూనే ఉంది. పర్యావరణానికి హాని కలిగించే వాటిలో దీనిది రెండో స్థానం’ అని బాధపడుతోంది సనా. ఈ విషయం తెలిశాక కొత్తగా ప్రయత్నించింది. సస్టెయినబుల్‌ డిజైన్లపై లండన్‌ రాయల్‌ కాలేజ్‌ ఆఫ్‌ ఆర్ట్స్‌లో ప్రొఫెసర్‌ జులియన్‌ రాబర్ట్‌ ప్రసిద్ధులని తెలుసుకుంది. డిజైనింగ్‌లోకి సైన్స్‌, మేథ్స్‌ కాన్సెప్టులను ప్రవేశపెట్టి  ‘ప్లానర్‌ ఫ్లక్స్‌’ అనే టెక్నిక్‌ను కనిపెట్టింది. తన ఆవిష్కరణ వివరాలు, రూపొందించిన దుస్తులను లండన్‌ ప్రొఫెసర్‌కి పంపగా ఆయన సనాకి మెంటర్‌షిప్‌ అవకాశమిచ్చారు. ఆయన ప్రోత్సాహంతో 2018లో ‘ఇంటర్నేషనల్‌ జీరో వేస్ట్‌ డిజైన్‌ కాంపిటీషన్‌’లో బహుమతి గెల్చుకుంది. అదే ఏడాది సొంత లేబుల్‌నూ ప్రారంభించిందీ చెన్నై అమ్మాయి. వర్చువల్‌ గార్మెంట్‌ డిజైనింగ్‌ కోసం ప్రత్యేక సాఫ్ట్‌వేర్‌నూ ఏర్పాటు చేసుకుంది. పలు అంతర్జాతీయ పోటీల్లోనూ పాల్గొనడమే కాక తన టెక్నిక్‌పై శిక్షణనిస్తోంది. దేశ విదేశాల్లోని డిజైనింగ్‌ కళాశాలల్లో గెస్ట్‌ లెక్చర్లనూ ఇస్తోంది.
అంతేనా... ప్రతిష్ఠాత్మక ‘రెడ్‌ కార్పెట్‌ గ్రీన్‌ డ్రెస్‌ 2020’ కాంటెస్ట్‌లో పాల్గొని, అవార్డును గెల్చుకుంది. దీనిని 2009లో సూజీ అమిస్‌ కేమెరూన్‌ ప్రారంభించింది. అవతార్‌ దర్శకుడు జేమ్స్‌ కేమెరూన్‌ భార్య ఈమె. తక్కువ వృథా, పర్యావరణ హితం, తిరిగి వాటిని ఉపయోగించేలా ఉండాలన్నది దీన్లో నిబంధనలు. విజేతల దుస్తులను ప్రముఖ నటీమణులు ధరించి రెడ్‌ కార్పెట్‌ మీద నడవడంతోపాటు నగదు బహుమతినీ ఇస్తారు. 2020 పోటీ ఫలితాలను ఇటీవల ప్రకటించారు. ఇద్దరు విజయం సాధించగా వారిలో సనా ఒకరు. ఈ పోటీ కోసం సనా టెన్సెల్‌ అనే చెక్కగుజ్జుతో చేసిన మెటీరియల్‌తో గౌనును రూపొందించింది. దీన్ని అప్‌సైక్లింగ్‌ కూడా చేసుకోవచ్చు. పైగా సున్నా వృథా. మన దేశం నుంచి గతంలోనూ ఎంతోమంది ఈ పోటీకి ప్రయత్నించినా దరఖాస్తు దశలోనే వెనుదిరిగారు. సనా ఏకంగా అవార్డును అందుకోడమేకాక దాన్ని సాధించిన మొదటి అమ్మాయిగానూ నిలిచింది.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని