ఈ ప్రయాణం సాక్షిగా... టీకానే ఆయుధం!
close
Updated : 26/08/2021 05:13 IST

ఈ ప్రయాణం సాక్షిగా... టీకానే ఆయుధం!

రోనా మిగిల్చిన కల్లోలం అంతా ఇంతా కాదు. ఈ మహమ్మారి నుంచి మనల్ని మనం రక్షించుకోవడానికి వ్యాక్సిన్‌ వేయించుకోవడమే కీలకం. భౌతిక దూరం పాటిస్తూ, మాస్కు ధరిస్తూ వైరస్‌ సోకకుండా కాపాడుకోవచ్చు. ఇదే విషయానికి మరింత ప్రచారం కల్పించేలా సంగారెడ్డి జిల్లా పటాన్‌చెరుకు చెందిన కొండి ప్రియాంక (20) బైక్‌ రైడ్‌ను ఎంచుకుంది. ‘టీకానే మనకున్న అద్భుత ఆయుధం’ అంటూ కశ్మీర్‌ నుంచి కన్యాకుమారి వరకు ప్రయాణం మొదలుపెట్టింది..

ప్రియాంక వాళ్ల అమ్మ రాజశ్రీ ఉపాధ్యాయిని. ‘సాధారణంగా అమ్మాయిలు స్నేహితులతో కలిసి దూరప్రాంతాలకు వెళతామంటేనే ఒప్పుకోరు. అలాంటిది మా అమ్మ నా లక్ష్యం గురించి చెప్పగానే రూ.2.50 లక్షలు పెట్టి బైక్‌ కొనిచ్చింది. అదనపు హంగులకోసం మరో రూ.1.50 లక్షలు సమకూర్చింది’ అంటోన్న ప్రియాంక డిగ్రీ చేసింది. గతేడాది అక్టోబరులో హైదరాబాద్‌ నుంచి కేదార్‌నాథ్‌ వరకు దాదాపు 4వేల పైచిలుకు కిలోమీటర్లు ఒంటరిగా ద్విచక్రవాహనంపై ప్రయాణించింది. ఆ ఆత్మవిశ్వాసంతోనే ఇప్పుడీ సుదీర్ఘ ప్రయాణం. కశ్మీర్‌ నుంచి మొదలుపెట్టి జమ్మూ, హరియాణ, పంజాబ్‌, ఉత్తర్‌ప్రదేశ్‌, మహారాష్ట్రల మీదుగా హైదరాబాద్‌ చేరుకుంది. మార్గమధ్యంలో తనకు ఎదురైన వారికి టీకా వేయించుకోవాల్సిన అవసరాన్ని వివరిస్తూ వచ్చింది ప్రియాంక. అన్ని రాష్ట్రాల్లోనూ హిందీ మాట్లాడే వారి సంఖ్య ఎక్కువగా ఉండటంతో ప్రత్యేకంగా కృషి చేసి హిందీలో అనర్గళంగా మాట్లాడటం నేర్చుకుంది తను. ప్రభుత్వ అధికారిగా ప్రజలకు సేవలందించడమే లక్ష్యంగా పోటీ పరీక్షలకు సిద్ధమవుతోంది. ఆడపిల్ల ఒంటరిగా బైక్‌పై వేల కిలోమీటర్లు ప్రయాణిస్తుంటే వచ్చే అవాంతరాలు, సమస్యలను తానూ ఎదుర్కొన్నాననీ, కానీ ఎక్కడా అధైర్య పడలేదంటోంది. ‘రైడ్‌ ఫర్‌ ఏ కాజ్‌ - గెట్‌ వ్యాక్సినేటెడ్‌’ అంటూ రైడ్‌ కొనసాగిస్తున్న ఆమె ‘హైదరాబాదీ రైడర్‌ ప్రియా’ పేరుతో య్యూటూబ్‌లో ఆ విశేషాలనూ పంచుకుంటోంది.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని