ఏడేళ్లలో రెండు వందల సార్లు ఎముకలు విరిగాయి!
close
Updated : 27/08/2021 00:39 IST

ఏడేళ్లలో రెండు వందల సార్లు ఎముకలు విరిగాయి!

నూటికో... కోటికో ఒక్కరికి వచ్చే అరుదైన వ్యాధి అది... తనకే ఎందుకు వచ్చిందని తలరాతని నిందిస్తూ కూర్చోలేదామ్మాయి.. కాస్త గట్టిగా తాకినా విరిగిపోయే ఎముకల వ్యాధిపై తానే సవాల్‌ విసిరింది... పట్టుదలకు ప్రతిరూపంగా నిలిచింది సాయిప్రజ్ఞ.. తిరుపతి ఐఐటీలో ఎంటెక్‌ చదువుతూ దేశంలో ఆ ఘనత సాధించిన తొలి యువతిగా గుర్తింపు పొందింది...

ఆస్టియో జెనిసిస్‌ ఇంపర్‌ఫెక్టా... ఓ జన్యువ్యాధి. ఇది ఉన్నవారిలో చీటికీమాటికీ ఎముకలు విరిగిపోతాయి. అలాంటి అరుదైన వ్యాధి సాయి ప్రజ్ఞకు ఉంది. అమ్మకడుపులోంచి భూమ్మీదకు వచ్చేటప్పుడే ఎముకలు విరిగిపోయి పుట్టింది సాయిప్రజ్ఞ. ఏడేళ్లు వచ్చేటప్పటికి 200 సార్లు విరిగాయి. అది మొదలు ఇంకెన్ని సార్లు ఎముకలు విరిగాయో... ఎన్ని చికిత్సలు చేయించారో అమ్మా నాన్నలు రమణారావు, జ్యోత్స్నలకే తెలుసు. ఈ సమస్యకు వైద్య పరిష్కారాలేమీ లేక, ఆమె దృష్టిని చదువుపై మళ్లించాలనుకున్నారు వాళ్లు. అప్పట్లో నెల్లూరులో ఉండే వాళ్లు. ప్రత్యేకంగా ఆమె కోసం కుర్చీ తయారు చేయించారు. ప్రాథమిక పాఠశాలకు పంపారు. ఆ ముచ్చటా ఎన్నో రోజులు లేదు. ప్రజ్ఞ తండ్రికి గుంటూరు బదిలీ కావడంతో ఆమె చదువుకు బ్రేక్‌ పడింది. ఇక్కడి స్కూళ్లు ఆరోతరగతిలో ఆమెని చేర్చుకోవడానికి నిరాకరించాయి. దాంతో ఆరు, ఏడు తరగతులు ఇంట్లోనే చదువుకుంది. తర్వాత బడికెళ్లి 10వ తరగతిలో 9.2 గ్రేడు సాధించింది. ఇంటర్‌లో 97.2 శాతం సాధించింది. ఇంజినీరింగ్‌ (సీఎస్‌ఈ) పూర్తి చేసింది. ఆ వెంటనే నాలుగు పెద్ద కార్పొరేట్‌ సంస్థలు ఏడాదికి రూ.నాలుగున్నర నుంచి రూ.పది లక్షల వరకూ వేతనం ఇవ్వడానికి ముందుకొచ్చాయి. కానీ ఐఐటీలో ఎంటెక్‌ చేయాలన్నది ప్రజ్ఞ కల. పట్టుదలగా గేట్‌ రాసి సీటు సాధించింది. తండ్రి ఉద్యోగరీత్యా తిరుపతి ఐఐటీ అయితే అనుకూలమన్న ఉద్దేశంతో అక్కడే ప్రవేశం తీసుకుంది. ఇప్పుడు ఎంటెక్‌ మొదటి ఏడాది చదువుతోంది. అరుదైన జన్యువ్యాధితో ఎంటెక్‌ చదువుతున్న తొలి యువతిగా గుర్తింపు సాధించింది.

ఆటంకాలను అధిగమిస్తూ... ఈ ప్రయాణం అంత తేలిగ్గా సాగలేదామెకు. చాలా సందర్భాల్లో పరీక్ష కేంద్రాలు పై అంతస్థులో ఉండేవి. అక్కడికి చక్రాల కుర్చీలో వెళ్లలేక ఇబ్బందులు పడింది. కనీసం లిఫ్ట్‌ అయినా ఉంటే తనలాంటి వారికి సౌకర్యంగా ఉంటుంది అని అధికారులతో అంటే ‘ఇప్పుడు పరీక్షలు రాసి ఏం సాధిస్తుందట’ అని ఎద్దేవా చేసే వాళ్లు కొందరు. మరికొందరేమో ‘ఎందుకండీ ఇంత యాతన’ అనే వాళ్లు. ఇవన్నీ తన పట్టుదలని రెట్టింపు చేశాయి. ఇంటర్‌ పరీక్షల కోసం తండ్రి సాయంతో రాష్ట్ర స్థాయి అధికారులను కలిసి కింది గదిలో పరీక్ష రాసే అవకాశాన్ని సాధించుకుని... మంచి మార్కులతో ఉత్తీర్ణురాలైంది. పరీక్షల్లో దివ్యాంగులకు ఇచ్చే అదనపు సమయాన్ని కూడా ఉపయోగించుకోకపోవడం తన ఆత్మస్థైర్యానికి నిదర్శనం. ఇంజినీరింగ్‌లో తన కోసం తరగతులు కింది గదిలో నిర్వహించడం, తర్వాత లిఫ్ట్‌ ఏర్పాటుతో ఆ కోర్సును సజావుగా పూర్తి చేసింది. ‘ఆస్టియో జెనిసిస్‌ ఇంపర్‌ఫెక్టా బాధితులం వాట్సాప్‌ గ్రూప్‌ ఏర్పాటు చేసుకున్నాం. ఇందులో మూడేళ్ల నుంచి 40 ఏళ్ల వయసు వరకూ సభ్యులున్నారు. సలహాలు, సూచనలు, విద్యకు సంబంధించిన అంశాలు, సమస్యలపై చర్చించుకుంటాం, ధైర్యం చెప్పుకుంటాం, ప్రోత్సహించుకుంటాం. పదో తరగతిలో పాఠంలో ఉండే ‘నిక్‌’ నాకు స్ఫూర్తి. పుట్టుకతోనే అతనికి కాళ్లు, చేతులూ లేవు. అయినా ఆత్మవిశ్వాసంతో స్విమ్మింగ్‌, టైపింగ్‌, అన్ని ఆటలు ఆడటంతోపాటు ప్రపంచ ప్రఖ్యాత మెంటర్‌గా ఎదిగాడు. అతని స్ఫూర్తితోనే ఎంటెక్‌ చేసి రక్షణ, పరిశోధన రంగంలో దేశానికి ఉపయోగపడే పరిశోధనల్లో భాగస్వామిని కావాలన్నది నా లక్ష్యం. దాన్ని సాధిస్తా’ అని ఆత్మవిశ్వాసంతో చెబుతోంది ప్రజ్ఞ.

- పెనికలపాటి రమేశ్‌, గుంటూరు



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని