ఆయన్ని గెలిపించేందుకే పాడా!
close
Updated : 29/08/2021 04:35 IST

ఆయన్ని గెలిపించేందుకే పాడా!

మురికివాడలో ఇరుకిల్లు! అంబులెన్సు నడిపే నాన్న..  ముగ్గురు పిల్లల్నీ, ఇంటినీ చక్కబెట్టే అమ్మ. అప్పటి దాకా మూడు పూటలా తిండి కోసమూ ఇబ్బందులు పడిన ఆ కుటుంబం కథ ఒక్కసారిగా మారిపోయింది. ఆ మార్పు తెచ్చింది ఆ ఇంటి పెద్ద కూతురే. తనే ముంబయికి చెందిన శైలీ కాంబ్లే. గణాంకశాస్త్రంలో మాస్టర్స్‌ పూర్తి చేసిన ఈ 23ఏళ్ల గాయని.. బ్యాంకు ఉద్యోగాలకు ప్రయత్నిస్తూనే  ఇండియన్‌ ఐడల్‌ పోటీల్లో మూడో స్థానంలో నిలిచి దేశం గుర్తించే గాయనిగా ఎదిగింది. ఆమె పాటల ప్రయాణాన్ని ‘వసుంధర’తో పంచుకుందిలా..

నాన్న కిషోర్‌ కాంబ్లే 30ఏళ్లుగా అంబులెన్సు నడుపుతున్నారు. అమ్మ సురేఖ ఇల్లు చూసుకుంటుంది. నేను, ఇద్దరు చెల్లెళ్లు. చిన్నతనం నుంచే నాకు సంగీతమంటే ప్రాణం. లతా మంగేష్కర్‌, ఆశాబోంస్లేలను ఆరాధిస్తూ పెరిగా. నాన్నపడే కష్టానికి తప్పకుండా చదవాలి.. ఇల్లు నిలబడాలంటే నేను తప్పకుండా ఉద్యోగం చేయాలి. అందుకే చదువును ఎక్కడా నిర్లక్ష్యం చేయలేదు. అన్నింట్లో మొదటి ర్యాంకు సాధించేదాన్ని. గణాంకశాస్త్రంలో మాస్టర్స్‌ పూర్తి చేశా. రెండేళ్లుగా బ్యాంకు ఉద్యోగాలకు సన్నద్ధమవుతున్నా. ఇటు చదువులో రాణిస్తూనే పాటతో నాకంటూ ఓ గుర్తింపు తెచ్చుకోవాలనుకున్నా. నాలుగో తరగతి నుంచే పాటతో ప్రయాణం సాగుతోంది. సొంతంగా టీవీల్లో చూస్తూ పాటలు సాధన చేశాను. చిన్నచిన్న కార్యక్రమాలతో మొదలై మరాఠీలో నా గొంతు తెలియని వాళ్లుండరనే స్థాయికి చేరుకున్నాను. ఉద్యోగాల వేటలో పడి ఇండియన్‌ ఐడల్‌ లాంటి కార్యక్రమాల దాకా వస్తానని ఎప్పుడూ అనుకోలేదు. మొదట్లో అమూల్‌ వాయిస్‌ ఆఫ్‌ ఇండియా, మమ్మీ కె సూపర్‌స్టార్స్‌, గౌరవ్‌ మహారాష్ట్ర లాంటి ఎన్నో ప్రతిష్ఠాత్మక కార్యక్రమాలు నన్ను మా రాష్ట్రానికి పరిచయం చేశాయి. ఆ తర్వాత అనుకోకుండా ఇండియన్‌ ఐడల్‌ సీజన్‌ 12లోకి అడుగుపెట్టాను.

ఇంటి బరువు ఇప్పుడు నేను మోస్తా..

స్థాయి, ప్రాంతం భేదం లేకుండా ప్రతిభ ఉన్న ఎందరికో అవకాశమిచ్చిందీ వేదిక. ఇక్కడ ప్రదర్శన అనగానే తొలుత వణికిపోయాను. కానీ ఇక్కడ టైటిల్‌ గెలవడమే నా లక్ష్యం కాబట్టి ధైర్యం తెచ్చుకుని మరీ పాడాను. సీజన్‌లో తొలి గోల్డెన్‌ మైక్‌ నాకే దక్కింది. అదే నాకు ప్రత్యేక గుర్తింపు. ఆ తర్వాత ఎక్కడా తగ్గకుండా టాప్‌ 10లో నిలిచాను. ఎందరో అభిమానుల ఓట్లతో రన్నరప్‌గా నిలిచాను. అయితే మాకోసం నాన్న పడిన కష్టం అంతా ఇంతా కాదు. ఆయన కోసమైనా గెలవాలనే కసితో పాడాను. ఇక్కడ గెలిచి ఓ మంచి ఇల్లు కట్టడం, కారు కొనడం, మంచి బట్టలు కొనివ్వడం చేయాలనుకున్నాను. వాళ్లకు ఉన్నత జీవనాన్ని అందించి ఇకపై నేనే కష్టపడాలని నిర్ణయించుకుని పాడా. మా నాన్న శ్రమ గుర్తు పెట్టుకోవాలనే ప్రముఖ కంపోజర్‌ ఆనంద్‌ నాకు ‘శైలీ కిషోర్‌ కాంబ్లే’గా పేరు మార్చారు. ఇండియన్‌ ఐడల్‌లో నాకు దక్కిన గుర్తింపుతో ఇప్పుడు బాలీవుడ్‌లో అవకాశాలొస్తున్నాయి. మరాఠీ సినిమాల్లో పాడుతున్నాను. ఇకపై మా ఇంటి బాధ్యత, బరువు నేనే మోస్తా. ఇంత తక్కువ సమయంలో గెలుపు నన్ను చేరడానికి నాన్న కష్టమే కారణమని చెబుతా.

- అభిసాయి ఇట్ట, హైదరాబాద్‌



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని