రాగి లడ్డూకి లక్ష ఆదాయం!
close
Published : 20/09/2021 01:03 IST

రాగి లడ్డూకి లక్ష ఆదాయం!

రైతు కూతురామె. బాల్యం నుంచి పోషక విలువలున్న ఆహారం తీసుకోవడం తనకి అలవాటు. కానీ ప్రస్తుత తరానికి అలాంటి తిండే దొరకడం లేదని గమనించింది. అందుకే తన చిన్ననాటి చిరుతిళ్లలో ఒకటైన రాగి లడ్డూ తయారీని వ్యాపారంగా మలుచుకుంది. రూ.5వేలు పెట్టుబడితో నెలకు లక్ష రూపాయలు సంపాదిస్తోంది. రైతులకు, మహిళలకు ఉపాధి కల్పిస్తూ ఆదర్శంగా నిలుస్తోన్న 35 ఏళ్ల సుచేత భండారి స్ఫూర్తి కథనమిది.
నాసిక్‌లోని వడ్నేర్‌ భైరవ్‌ గ్రామానికి చెందిన సుచేత బాల్యమంతా పల్లె వాతావరణంలోనే గడిచింది. స్వచ్ఛమైన గాలి, సేంద్రియపంటలతో తయారయ్యే ఆహారం అందిందామెకు. చిన్నప్పుడు అమ్మ చేసిచ్చే వేరుసెనగ-బెల్లం, వేయించిన సెనగపప్పు- బియ్యప్పిండితో చేసే లడ్డూలు వంటివాటిని  ఎక్కువగా తినేది. పుణెలో డిగ్రీ చదవడం కోసం పల్లెను వదిలిన ఆమె, ఉద్యోగరీత్యా ఆరేళ్లపాటు అక్కడే ఉండిపోవాల్సి వచ్చింది. తోటి మహిళల ఆరోగ్యపరిస్థితిని గమనిస్తే...తన చిన్నప్పటి ఆహారం తనకెంత శారీరకసామర్థ్యాన్ని అందించిందో అనుకునేది. కానీ అవేవీ నేటి తరానికి దాదాపు పరిచయం లేవని అర్థం చేసుకుంది. అందుకే వాటిని తానే తయారు చేయాలనుకుంది. ఆలోచన వచ్చిన వెంటనే సొంతూరుకు చేరుకుంది.  ఇందుకోసమే... ‘ఎర్త్‌ పూర్ణ’ పేరుతో 2019లో ఓ సంస్థనీ ప్రారంభించింది.

సేంద్రియ పంటతో...

తనవద్ద ఉన్న రూ.5వేలును పెట్టుబడిగా పెట్టి లడ్డూ తయారీని మొదలుపెట్టింది. పూర్తిగా సారవంతమైన భూమిలో పండించే పంటలని వినియోగించే దిశగా ఈ పేరు పెట్టా అంటుంది సుచేత. ‘పోషకవిలువలుండే ఉత్పత్తులను తయారుచేయడానికి నాసిక్‌లో రాగులను పండించే రైతులను కలుసుకున్నా. వారి నుంచి ఏటా పంటను తీసుకుంటానని నా సేంద్రియపద్ధతిలోనే పండించాలని వారిని కోరా. ఆ ఉత్పత్తులతోనే అమ్మ, నానమ్మల సాయంతో రాగి లడ్డూలు తయారు చేయడం మొదలుపెట్టా. పోషకాహారనిపుణుల సలహామేరకు అవిసెగింజలు, బెల్లం వంటి పదార్థాలను కలిపి కొత్త ప్రయోగాలూ చేశా.  పుణె వంటి నగర ప్రాంతాల్లోని వారికి వీటి రుచి చూపించా. ఆన్‌లైన్‌ను వేదికగా చేసుకున్నా. సామాజిక  మాధ్యమాలను మార్కెటింగ్‌కి వాడుకున్నా. కొవిడ్‌ సమయంలో నాకు ఆర్డర్లు మొదలయ్యాయి.  ఒకసారి ఈ ఉత్పత్తుల రుచిని చూసినవారే తిరిగి అడగడం మాలో ఉత్సాహం నింపింది. మొదటిసారి వినియోగించిన వారిలో దాదాపు 30 శాతంమంది డెయిలీ  కస్టమర్లుగా మారారు. ఇప్పుడు మావద్ద నాలుగురకాల లడ్డూలు తయారవుతున్నాయి. నెలకు దాదాపు 2,500 ఆర్డర్లు వస్తున్నాయి. ఇప్పుడు ప్రతి నెల రూ.లక్ష ఆదాయం అందుకుంటున్నా. పదిమంది మహిళలకు ఉపాధిని కల్పిస్తున్నా. సుమారు పాతికమంది రైతుల నుంచి పంటను తీసుకుంటున్నా. వచ్చే ఏడాదికి మరికొంతమందికి ఆదాయం ఇప్పించేలా ఎర్త్‌ పూర్ణను అభివృద్ధి చేస్తున్నా. అలాగే మరికొందరు రైతుల వద్ద పంటను కొనుగోలు చేస్తానని భరోసా ఇస్తున్నా. పోషక విలువలున్న ఆహారాన్ని నేటి తరానికి పరిచయం చేస్తున్నాననే ఆనందం మనసులో ఉంది. అమ్మానాన్న ప్రోత్సాహం మరవలేను’ అని చెబుతోన్న సుచేత దీనిపై ఆసక్తి ఉన్నవారికి శిక్షణనివ్వడానికి సిద్ధంగా ఉన్నా అంటోంది.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని