నాటి సంస్కృతిని నేటి తరానికి...
close
Published : 21/09/2021 01:20 IST

నాటి సంస్కృతిని నేటి తరానికి...

దేశ సాంస్కృతిక వారసత్వాన్ని ప్రజలకు చేర్చాలనుకుందామె. ఆ ఆశయంతో ప్రచార కార్యక్రమాలు నిర్వహిస్తోంది. ప్రత్యేక వెబ్‌సైట్‌ ప్రారంభించి, పురాతన సంప్రదాయాలు, కళలపై అందరికీ అవగాహన కలిగించే కృషి చేస్తోంది. సంస్కృతికి వారసత్వంగా నిలిచిన జానపద, హస్తకళలపై పరిశోధనలు జరుపుతోంది. అలనాటి మ్యూజియంల సమాచారాన్ని యువతకు పరిచయం చేస్తూ, ఈతరానికి వాటిని దగ్గర చేస్తోంది... మేధావీ గాంధీ.

మేధావి విద్యార్థినిగా ఉన్నప్పుడు ఆమె పర్యటించిన మ్యూజియంలు తనని చాలా ప్రభావితం చేసేవి. ప్రాచీన సంస్కృతి, సంప్రదాయాలు, కళలను అక్కడ చూసి రావడమే కాదు, వాటి గురించి సమగ్రంగా వివరాలను సేకరించి భద్రపరుచుకునేది. ఆ అభిరుచి ఆమెను వీడలేదు. చదువుతోపాటు మ్యూజియంలపైనా ఆమె ప్రేమ పెంచుకుంది. పుణెలో కమ్యూనికేషన్‌ అండ్‌ మీడియా స్టడీస్‌లో ఎంబీఏ చేసిన ఈమె, దిల్లీలో ఇంటర్న్‌షిప్‌లో భాగంగా చేపట్టిన అధ్యయనంలో భారతీయ జానపద, హస్తకళల గురించి తెలుసుకుంది. దాంతో చదువుతూనే ‘ది హ్యాపీ హ్యాండ్స్‌’ స్వచ్ఛంద సంస్థను స్థాపించింది. దీని ద్వారా మ్యూజియంల ప్రత్యేకతపై అందరిలో అవగాహన కలిగిస్తూ వర్క్‌షాపులను నిర్వహించేది. మ్యూజియం వాక్‌ పేరుతో పర్యటకులకు సమగ్రంగా వివరించేది.

ప్రదర్శనశాలల్లోని పురాతన విజ్ఞానాన్ని అందరి వద్దకు చేర్చాలనుకున్నా అంటుంది మేధావి. ‘మన దేశంలో ఉన్నవాటి గురించి అందరికీ తెలియజెప్పడానికి ట్రావెలింగ్‌ మ్యూజియం  పని మొదలుపెట్టా. బెంగళూరులోని ప్రభుత్వ పాఠశాలల్లో పర్యటించి అక్కడి విద్యార్థులకు స్థానిక మ్యూజియంల గురించి అవగాహన కలిగించే దాన్ని. జానపద కళలకు పాఠ్యాంశాలలో ప్రత్యేక స్థానం దక్కడానికి నేను చేసిన కృషి ఫలించింది. దీంతోపాటు సోషల్‌మీడియా ద్వారా ప్రతి ఒక్కరికి ప్రదర్శనశాలల గురించి తెలిసేలా చేయాలనిపించింది. అందుకే 2016లో ‘హెరిటేజ్‌ ల్యాబ్‌’ వెబ్‌సైట్‌ ప్రారంభించా. దేశవ్యాప్తంగా పర్యటించి ఆయా మ్యూజియంల్లో భద్రపరిచిన మనదేశ సంప్రదాయాలు, కళలకు సంబంధించిన చిత్రలేఖనాల గురించి అధ్యయనం చేసి ఆ సమాచారాన్ని వెబ్‌సైట్‌లో పొందు పరుస్తున్నా. కొన్నింటిని ఫొటోలతోసహా వివరిస్తున్నా. వందల ఏళ్ల నుంచి భద్రపరిచి ఉంచిన ఇంతటి విలువైన కళల గురించి రాబోయే తరానికి తెలియాల్సిన అవసరం ఎంతో ఉంది. అంతేకాదు, ఈ సమాచారం విద్యార్థులకే కాదు, సామాన్యులకూ అందాలనేది నా లక్ష్యం’ అని చెబుతున్న మేధావి ప్రస్తుతం కామన్‌వెల్త్‌ అసోసియేషన్‌ ఆఫ్‌ మ్యూజియమ్స్‌ బోర్డు సభ్యురాలు కూడా.


Advertisement


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని