కనికట్టు చేస్తోంది...
close
Published : 23/09/2021 00:55 IST

కనికట్టు చేస్తోంది...

ఆమె ఏ ప్రముఖుడిలా కావాలంటే అలా ముఖాన్ని మార్చేసుకుంటుంది. అందుకోసం గంటల తరబడి కష్టపడుతుంది. యూట్యూబర్‌ ప్రియాంక పవార్‌ చేస్తోన్న కనికట్టును చూసి ప్రముఖులు ప్రశంసలతో ముంచెత్తుతున్నారు. తన మాయలు సోషల్‌ మీడియాలో వైరల్‌ అవుతున్నాయి. ఆ విశేషాలు చూడండి...

జియాబాద్‌లో పుట్టిన ప్రియాంక, చదువయ్యాక ఓ ప్రైవేటు ఉద్యోగంలో చేరింది. రెండున్నరేళ్లు మాత్రమే ఆ ఉద్యోగంలో ఉంది. ఎందుకంటే బాల్యం నుంచి మేకప్‌పై ఆసక్తి. అందులోనే శిక్షణ తీసుకుని కెరియర్‌గా మార్చుకోవాలనుకుంది. ముందుగా బ్రైడల్‌ మేకప్‌ ఆర్టిస్ట్‌ కోర్సు చేసింది. రెండు మూడేళ్లయ్యాక అందులోనూ ప్రత్యేకంగా, కొత్తగా ఏదైనా నేర్చుకోవాలనుకుంది. అదే ఆమెను ఇల్యూజన్‌ మేకప్‌వైపు నడిపించింది.

ఫొటోలు చూస్తూ... ప్రియాంక తన ముఖాన్నే కాన్వాస్‌గా మార్చుకుని ఇతరుల ముఖాల్లా మేకప్‌ వేసుకునే ప్రయోగం మొదలు పెట్టింది. ఎదురుగా ఏదైనా ఒక వ్యక్తి ఫొటో ఉంచి, దానిలాగే అద్దంలో తనకు తానుగా మేకప్‌ను వేసుకుని మారడానికి ప్రయత్నించేది. ఇందులో లోతు పాతులు తెలుసుకోవడానికి ఎంతో పరిశోధన చేశా అంటుందీమె. ‘2డీ మేకప్‌ గురించి యూట్యూబ్‌లు చూసేదాన్ని. వాటిని పరిశీలిస్తూ నాకు నేనుగానే మేకప్‌లో మెలకువలు నేర్చుకోవడంలో కృషి చేశా. నా ఎదురుగా ఫొటోలో వ్యక్తిలా మారడానికి నిత్యం మేకప్‌ వేసుకుంటూ ప్రయత్నించే దాన్ని. ఒక్కోసారి 11 గంటలకు పైగా పట్టేది. ముఖ్యంగా ముక్కు దగ్గర చాలా కష్టపడే దాన్ని. ఒక్కొక్కరిదీ ఒక్కోలా ఉండే ఆ ప్రాంతాన్ని తీర్చిదిద్దుకోవడానికి గంటలే పట్టేది. ఎంత కష్టమైనా ప్రయత్నిస్తూనే ఉండేదాన్ని. అలా అనుకున్న ముఖాన్ని తెచ్చుకున్న తర్వాత దాన్ని ఫొటో తీసి సామాజిక మాధ్యమాల్లో ఉంచే దాన్ని. మొదటి సారి ఇలా పెట్టినప్పుడు స్పందన ఊహించనంతగా వచ్చింది. అప్పటి నుంచి ప్రతి ఫొటోకీ వచ్చే అభినందనలు ఉత్సాహాన్ని నింపుతూ ఉంటాయి. ఇప్పటివరకు హాలీవుడ్‌ నటీనటులు జెన్నీఫర్‌ ఆనిస్టాన్‌, కెమిలా కేబిల్లో, తీబిల్లీ పోర్టర్‌, బీన్‌ తదితరుల నుంచి బాలీవుడ్‌ నటులు కేకే మీనన్‌, ఐశ్వర్యరాయ్‌, జాక్వెలిన్‌ అలాగే కార్గిల్‌ వీరుడు కెప్టెన్‌ విక్రమ్‌ బాత్రా, మాజీ రాష్ట్రపతి అబ్దుల్‌ కలాం, ప్రముఖ క్రీడాకారులు మిల్కాసింగ్‌, నీరజ్‌ చోప్రా, ఇంకా పలువురు సెలబ్రటీల ముఖాలను మేకప్‌తో నా ముఖంలో చూపించగలిగా. అలా అనుకోకుండా నెట్‌ఫ్లిక్స్‌ నుంచి పిలుపొచ్చింది. ఆ సంస్థ రూపొందించిన ‘రే’ చిత్రంలో నటుడు కేకే మీనన్‌ పాత్రకు తగ్గట్లుగా అతడి ముఖాన్ని తీర్చిదిద్దే అవకాశం వచ్చింది. ఇప్పుడు నాకు ప్రత్యేక గుర్తింపు రావడం, వేల మంది ఫాలోవర్స్‌ ఉండటం చాలా సంతోషంగా అనిపిస్తోంది’ అని చెబుతోంది ప్రియాంక.


Advertisement

Tags :

మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని