గోండు అందం ఆమె కెమెరాలో!  
close
Updated : 26/10/2021 05:49 IST

గోండు అందం ఆమె కెమెరాలో!  

కవైపు చదువుకుంటూ.. మరోవైపు తనకిష్టమైన ఫొటోగ్రఫీలో రాణిస్తోంది ఆత్రం మమత. ఇందులో ఆశ్చర్యం ఏముంది అంటారా? ఆదివాసీ గోండుతెగలో ఈ స్థాయికి వచ్చిన అమ్మాయిలు చాలా అరుదు. అందుకే ఈ మమత ప్రత్యేకం. ఆదివాసీ తెగలోని గోండులు, కొలాం గిరిజనుల అద్భుతమైన జీవనశైలిని చిత్రీకరిస్తూ అరుదైన, అందమైన చిత్రాలని అందిస్తోందీ అమ్మాయి. తండ్రి వృత్తిరీత్యా ఫొటోగ్రాఫర్‌ కావడంతో తనూ అదే బాట పట్టింది. కుమురంభీం జిల్లా సిర్పూరు మండల కేంద్రానికి చెందిన ఆత్రం విమల, మాధవ్‌రావులకు ముగ్గురూ ఆడపిల్లలే. వీరిలో పెద్దమ్మాయి పుష్పలత ఇంటర్‌ చదివి ల్యాబ్‌టెక్నీషియన్‌గా ఉద్యోగం చేస్తోంది. రెండో అమ్మాయి ప్రేమలత ఇంటర్‌ రెండో సంవత్సరం చదువుతోంది. మూడో కుమార్తె మమత మాత్రం వీరికి భిన్నంగా ఓ పక్క చదువుతూనే.. ఫొటోగ్రఫీలో మెలకువలు నేర్చుకుంది. జైనూర్‌ మండల కేంద్రంలో ఫొటో స్టూడియో ఏర్పాటు చేసుకుంది. జైనూర్‌, సిర్పూరు మండలాల పరిధిలోని మారుమూల గిరిజన గ్రామాలతో పాటు ఆదిలాబాద్‌ జిల్లాలోని నార్నూరు, గాదిగూడ, ఇంద్రవెల్లి, ఉట్నూరు మండలాల పరిధిలోని గిరిజన గ్రామాలకు వెళ్లి వారి సంప్రదాయాలను కెమెరాతో అందంగా చిత్రీకరిస్తోంది. ఆదివాసీ గోండు తెగ నుంచి తొలి మహిళ ఫొటోగ్రాఫర్‌గానూ రాణిస్తోంది. 

 - బండారి లక్ష్మీనర్సయ్య, ఇంద్రవెల్లి


Advertisement


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని