మొక్కల పెంపకంతో మతిమరపు మాయం
close
Updated : 16/06/2021 00:46 IST
Facebook Share Twitter Share WhatsApp Share Telegram Share Link Share

మొక్కల పెంపకంతో మతిమరపు మాయం

మొక్కల పెంపకంతో ఫలసాయం కాకుండా బోల్డన్ని లాభాలున్నాయట. అవన్నీ తెలిస్తే ఇంటి పనులు కొన్ని తగ్గించుకుని మొక్కలు పెంచేందుకు మీరే సిద్ధమవుతారు...

మొక్కలు పెంచడం చాలా ఆరోగ్యకరమైంది. నీళ్లు పోయడం, కుదుళ్లలో మట్టిని గుల్ల చేయడం, కలుపు తీయడం లాంటి పనులు శరీరానికి వ్యాయామం. వేళకు ఆకలి వేస్తుంది. తిన్న ఆహారం సవ్యంగా జీర్ణమవుతుంది.

* గార్డెనింగ్‌ మన సామర్థ్యాలను పెంచి ఆత్మవిశ్వాసాన్ని నింపుతుంది.
* ఎండలో తోటపని చేయడం వల్ల శరీరానికి తగినంత డి విటమిన్‌ అందుతుంది.
* ఊబకాయం సమస్య ఉత్పన్నం కాదు. సమ బరువుతో శరీరం దృఢంగా ఉంటుంది.  
* నిద్రలేమి సమస్య తలెత్తదు.
* మొక్కల్లో గడపడం వల్ల ఒత్తిడి తగ్గుతుంది. ప్రశాంతత, ఆనందం చేకూరతాయి.
* కొరియాలో డిమెన్షియా చికిత్సలో భాగంగా రోగులకు కొన్నాళ్లపాటు తోట పనులు పురమాయించారు. అందువల్ల వారి జ్ఞాపకశక్తి చాలా మెరుగుపడింది.
* నెదర్‌ల్యాండ్స్‌, నార్వేల్లో పలువురు డిమెన్షియా రోగులపై జరిపిన అధ్యయనాల్లో వారికి మొక్కల పనులు అప్పగించడం వల్ల చికిత్సలో ఎంతో పురోగతి ఉందని తేలింది.
* వ్యసనపరుల కోసం నిర్వహించే రికవరీ ప్రోగ్రాముల్లో మొక్కల పెంపకం ఒకటి.
* ఆందోళన తగ్గించుకోవడానికి, మనల్ని మనం మోటివేట్‌ చేసుకోవడానికి మొక్కల వ్యాపకాన్ని మించింది లేదు. ఎంత కష్టంలో ఉన్నా కాసేపు తోటలో గడిపి సేదతీరొచ్చు.
* మానసిక రోగులకు హార్టీకల్చర్‌ థెరపీ వల్ల ఎంతో ప్రయోజనం ఉంటుందని పరిశోధనలు రుజువు చేశాయి.
* ఇళ్లు, స్కూళ్లు, ఆఫీసులు ఎక్కడ వీలైతే అక్కడ వీలైనన్ని మొక్కలు నాటమంటున్నారు పర్యావరణ శాస్త్రవేత్తలు. ఈ అలవాటు వ్యక్తులకే కాదు, మొత్తం వ్యవస్థకే మేలుచేస్తుంది.


మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

ఆరోగ్యమస్తు

మరిన్ని

అనుబంధం

మరిన్ని

యూత్ కార్నర్

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని