సరంజామా ఎక్కువైందా!
close
Updated : 30/07/2021 05:47 IST

సరంజామా ఎక్కువైందా!

ఇంటిని సినిమా సెట్‌లా తీర్చిదిద్దడం అంత తేలికేం కాదు. రచయిత్రి, ఆర్గనైజింగ్‌ కన్సల్టెంట్‌ మేరీ కుండో ‘లైఫ్‌ లాండ్రీ’, ‘క్లీన్‌’, ‘నీట్‌’, ‘టైడింగ్‌ అప్‌ విత్‌ మేరీ కుండో’ లాంటి ప్రోగ్రాములు చూస్తే ఎంతో కొంత ప్రేరణ కలుగుతుందనుకోండి! కానీ ఇంటా బయటా అలసిపోయే ఇల్లాళ్లకి ఆ స్ఫూర్తీ ఓర్పూ రోజుల తరబడి ఉండవుగా! మరేం చేయాలంటే? ప్రొఫెషనల్‌ ఆర్గనైజర్ల సలహాలు తీసుకోవాలి....

‘హౌస్‌దట్‌’ నేహా భండారి... ‘దుస్తులు లేదా వస్తువుల్లో పాతబడినవి, వాడనివి అనేకం ఉంటాయి. వాటిని తీసేస్తే ఇల్లు అందంగా, హాయిగా ఉంటుంది’ అంటుంది. ‘ది ఆటిక్‌ లై’ నిపుణురాలు నికితా రాయ్‌క్వార్‌  ‘మనం ఉపయోగించని, పనికి రానివి తీసేయడం వల్ల ఇల్లు కళగా ఉంటుంది. పనికొచ్చేవే ఉంటే చప్పున కనిపిస్తాయి కూడా’ అంటుంది.

ఇంకా ఏం చెబుతున్నారు?

జూ కుర్తీ, పైజమా, స్కార్ఫ్‌ లాంటివి ఒక దగ్గర లేకుంటే వాటిని వెతుక్కోవాలి. దొరక్కపోతే చిరాకు, ఆందోళన. దుస్తులు ఎక్కువెక్కువగా కిక్కిరిసి, గజిబిజిగా ఉంటే ఏది వేసుకోవాలో అర్థంకాదు. అవసరమైనవి మాత్రమే ఉంటే హాయిగా ఉంటుంది. వాడనివి తీసేయడం, తక్కినని నీట్‌గా సర్దడంతో ఆందోళన, ఒత్తిడి తగ్గుతాయి. ప్రశాంతంగా ఉంటుంది.

* పండుగలప్పుడు శుభ్రం చేస్తారు, స్థలమార్పిడి చేస్తారు. వాటితో పాటు తగ్గించే పని మీద దృష్టిపెట్టాలి.

* మీరే సర్దేట్లయితే ఒక్కసారే మొత్తం పూర్తి చేయాలనుకోవద్దు. రోజుకో భాగం చొప్పున విభజించుకుంటే సులువు.

* వార్డ్‌రోబ్స్‌కు మేరీ కొండో చెప్పిన ‘కోన్‌మేరీ’ పద్ధతి బాగుంటుంది. అంటే.. ముందు దుస్తులు, తర్వాత పుస్తకాలు.. అప్పుడు విసుగు లేకపోగా సరదాగా పనైపోతుంది.

* పర్సులు, మొబైల్స్‌ లాంటివి తలుపు దగ్గర్లో, వంట గిన్నెలు సింక్‌కు దగ్గరగా ఉంటే అందుకోవడం సుఖం.

* ఆయా వస్తువులను డబ్బాల్లో, పెట్టెల్లో అమర్చడంవల్ల అడ్డంగానూ ఉండవు, చూట్టానికీ బాగుంటుంది.

* మన అవసరాలు, ఆలోచనలు, ఏం కావాలి, ఎలా ఉంటే బాగుంటుంది, ఏవయితే సులువు, సౌఖ్యం లాంటి విషయాలకు ప్రాధాన్యం ఇవ్వాలి. చాలా మంది పండగలకు పాతబడిన వాటిని తీసేసి కొత్తవాటితో అలంకరిస్తారు. ఎన్నో తర్జన భర్జనల తర్వాత కొన్నింటిని వదిలేస్తారు. అందుకే నిమిషాల్లో అంచనా చేసి తొలగించాల్సిన జాబితా, దేన్నెక్కడ అమర్చాలో క్షణాల్లో నిర్ణయం తీసుకోవాలి.

* పక్కన పెట్టిన వస్తువును చివరి సారిగా ఎన్నాళ్ల క్రితం వాడామో గుర్తుచేసుకుంటే చాలు... దాని అవసరం ఏంటో తెలిసిపోతుంది. అప్పుడు నిర్ణయం తీసుకోవడం తేలిక.

మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని