గ్యాస్‌ వృథా చేయొద్దు
close
Updated : 16/09/2021 04:49 IST

గ్యాస్‌ వృథా చేయొద్దు

రోజు రోజుకూ గ్యాస్‌ ధరలు చుక్కలనంటుతున్నాయి. పైగా అది చాలా విలువైన సహజ వనరు కూడా. అందుకే వంట గ్యాస్‌ని ఎలా ఆదా చేయాలో చూడండి...

* నీళ్లు మరిగిస్తున్నారా... తాగు నీటి కోసం నీళ్లు మరగబెడుతుంటే... దీనికి స్వస్తి చెప్పి సురక్షిత నీటికోసం వాటర్‌ ఫిల్టర్‌ / ప్యూరిఫయర్‌ వాడండి.

* పాత్రలు పొడిగా... తడి గిన్నెను పొయ్యి మీద పెడితే వేడెక్కడానికి ఎంతో కొంత గ్యాస్‌ వృథా అవుతుంది. ఇలా అయ్యే గ్యాస్‌ను లెక్కేస్తే పెద్ద మొత్తమే తేలుతుంది. కాబట్టి గిన్నెలు పొడిగా ఉండేలా చూసుకోవాలి.

* ఎక్కువ ఉడికించొద్దు... కూరలను  ఎక్కువసేపు ఉడికిస్తే గ్యాస్‌ వృథా. పోషకాలూ ఆవిరవుతాయి. అన్నం వండేప్పుడు సరిపోయేంత నీళ్లే పొయ్యండి. నిర్ణీత సమయంలో పొయ్యి కట్టేయాలి.

* పెద్ద పాత్రలే... బర్నర్‌కి సరిపోయేంత పెద్ద పాత్రలనే వాడాలి. చిన్నవైతే మంట పక్కలకు వెళ్లి గ్యాస్‌ వేస్ట్‌  అవుతుంది.

* అవెన్‌... కూరలు వేడి చేసుకోవడం, స్నాక్స్‌ తయారీ... ఇలా కొన్ని రకాల పనులకు అవెన్‌ను వాడుకోవచ్చు.

* సిద్ధంగా... పదార్థాలన్నీ సిద్ధంచేసి పెట్టుకున్నాకే బర్నర్‌ వెలిగించాలి.

* చిన్నమంటపై... ఇలా చేయడం వల్ల పోషకాలు ఆవిరైపోవు. గ్యాసు వృథా కాదు. పాన్‌ వేడయ్యాక స్టవ్‌ను చిన్నగా చేస్తే సరి.

* లీకులతో జాగ్రత్త.. గ్యాసుపైపు ఎక్కువ రోజులు వాడుతున్నారా? అయితే అది పాడై ఉండొచ్చు. లీకేజీ ప్రమాదమూ ఉంది. నిర్ణీత కాల వ్యవధుల్లో తప్పక పైపు మార్చుకోవాలి.

* మూత పెట్టాలి... ఏది వండినా తప్పనిసరిగా మూత పెట్టాలి. ఇలా చేస్తే ఆవిరి బయటకు వెళ్లదు, కూరలు త్వరగా ఉడుకుతాయి. కుక్కర్‌లో వండితే గ్యాస్‌ ఆదా.

* శుభ్రత... బర్నర్‌లను ఎప్పటికప్పుడు శుభ్రం చేయాలి. నలకలు ఉంటే మంట సరిగా రాదు, గ్యాస్‌ వృథా అవుతుంది.



మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని