ఖర్చుకి కళ్లెం వేద్దాం!
close
Published : 20/09/2021 01:03 IST

ఖర్చుకి కళ్లెం వేద్దాం!

అబ్బాయిలతో సమానంగా అమ్మాయిలూ ఉద్యోగాలు చేస్తున్నారు. వాటిని తమ చేతిమీదిగా ఉపయోగించే ఆర్థిక స్వాతంత్య్రమూ పెరిగింది. అలాగని పొదుపు ఊసే లేకపోతే, ఆర్థిక క్రమశిక్షణ అలవాటు చేసుకోకపోతే భవిష్యత్తులో ఒడిదొడుకులు తప్పవు. అలాంటివారు ఈ చిట్కాలు పాటించి చూడండి.

* ప్రణాళిక అవసరం... ఎంత చెట్టుకి అంతగాలి అన్నట్లు...ఏ ఖర్చు అయినా సంపాదనకు తగ్గట్లే ఉండాలి. అలాకాకుండా చేతికి డబ్బులు వచ్చిన పది పదిహేను రోజులకే మొత్తం ఖర్చయిపోతే మీ బండి గాడి తప్పుతున్నట్లే. ఈ పరిస్థితి రాకుండా ఉండాలంటే...ప్రణాళిక తప్పనిసరి. ఆ పని జీతం చేతికి రాకముందే అయిపోవాలి. ఆ తర్వాతే...ఇతరత్రా ఖర్చులు.

* లెక్కరాయండి... నెల జీతంలో ఎక్కువ మొత్తం ఖర్చుచేస్తున్నవి ఏమిటో ఓ కాగితంపై రాసుకోండి. వాటిని ఏ మాత్రం వరకూ ఖర్చు తగ్గించుకునే వీలుందో చూడండి. బయటి ఆహారం తినడం, ఖరీదైన ప్రాంతంలో ఇంటి అద్దె, పోస్ట్‌పెయిడ్‌ బిల్లులు, ఇంటర్నెట్‌ వాడకం వంటివెన్నో వీటిల్లో ఉంటాయి. కొందరమ్మాయిలైతే లెక్కకు మించిన వస్తువులను షాపింగ్‌ చేస్తూనే ఉంటారు. వాటన్నింటికీ అడ్డుకట్ట వేయాలంటే...ఈ పద్ధతి తప్పపనిసరి. అప్పుడే వాటిని అదుపులో ఉంచుకోవచ్చు. మొదట కష్టమైనా క్రమంగా అలవాటు పడతారు. 

* పొదుపు బాటలో...డబ్బులు మిగిలితేగా పొదుపు చేయడానికి అంటుంటారు కొందరు. అయితే ఇక్కడ గుర్తుంచుకోవలసిన విషయం ఏంటంటే వచ్చే జీతంలో కనీసం పదిశాతం భవిష్యత్‌ అవసరాలకు పొదుపుగా పక్కన పెట్టిన తర్వాతే ఖర్చులు చూసుకోండి. స్మార్ట్‌ బ్యాంకింగ్‌తో అంటూ నెలనెలా కొంత చెల్లించేలా మ్యూచువల్‌ ఫండ్లు...ఇతరత్రా  పెట్టుబడులు, పొదుపు ఖాతాలు ఏర్పరుచుకోండి. ఇవన్నీ మీరు ఆర్థికంగా మీరు బలోపేతం అయ్యేందుకు తోడ్పడతాయి.



మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని