ఇంటికి ముస్తాబు
close
Published : 22/09/2021 01:24 IST

ఇంటికి ముస్తాబు

మనం అందంగా తయారవడమే కాదు, ఇంటినీ చూడచక్కగా ఉంచుకోవాలని చూస్తాం. కానీ ఎన్ని ముస్తాబులు చేసినా, ఎంత కళాత్మకంగా తీర్చిదిద్దినా కొన్నాళ్లకి ఇంతేనా అనిపిస్తుంది. మరి ఎప్పటికప్పుడు శోభాయమానంగా కనిపించాలంటే?! ఈ చిట్కాలు పాటించి చూడండి...

ఇంటికి రంగులు వేయడం మాటలు కాదు. ఇల్లు మారినంత హంగామా. సామానంతా ప్యాక్‌ చేసి పక్కన పెట్టి వేసిన రంగులు ఆరాక సర్దుకోవాలి. అంత శ్రమ పడలేం అంటే... ఈ సమస్యకు విరుగుడు వార్నిష్‌ను తలపించే వాల్‌పేపర్లు. వీటిని గోడలకు అతికించేస్తే ముచ్చటగా ఉంటాయి.

* కొన్ని ఇళ్లలో పూలూ లతలతో కార్వింగ్‌ చేసిన తలుపులు, కిటికీలు అందంగా కనిపిస్తాయి. కానీ చాలామంది సాదాగా వదిలేస్తారు. అలాంటప్పుడు బోసిగా ఉన్నాయని దిగులుపడే బదులు వాటికి చక్కటి రంగులద్దితే ఆహ్లాదంగా ఉంటుంది.

* ప్రతిసారీ కొత్త కొత్త షో పీస్‌లు, వాల్‌ హ్యాంగింగ్సు కొనడం వల్ల సామాను పెరిగిపోతుంది. అందుకు భిన్నంగా ఉన్న వాటినే స్థల మార్పిడితో అందంగా అమర్చుకోవచ్చు.

* మెట్ల మీద కార్పెట్‌ పరవడం వల్ల రిచ్‌ లుక్‌ వచ్చే మాట నిజం. కానీ అది కాస్త జరిగినా, మడతపడినా పడిపోతాం. కనుక కార్పెట్‌ను తలపించే పెయింట్‌ వేస్తే ఆహా అనిపించడం ఖాయం.

* గోడలు పెయింటింగులు లేదా హ్యాంగింగ్స్‌తో కళాత్మకంగా ఉంటాయి. అవి కిక్కిరిసి ఉంటే మాత్రం గందర గోళంగా అనిపిస్తాయి.

కొందరు యాంటిక్స్‌ సేకరిస్తారు. కేవలం వాటితోనే నింపితే కొన్ని దశాబ్దాలు వెనక్కెళ్లిన భావన కలుగుతుంది. వాటితోబాటు అధునాతన వస్తువులనూ కలిపి అలంకరిస్తే వహ్వా అనిపిస్తుంది.



మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని