మెనోపాజ్‌కు సిద్ధమేనా?
close
Published : 18/07/2021 00:42 IST

మెనోపాజ్‌కు సిద్ధమేనా?

మహిళల్లో మెనోపాజ్‌ దశ సర్వసాధారణం. ఇది 40ల చివర్లో మొదలవుతుంది. ఈ సమయంలో హార్మోన్లలో వచ్చే తేడాల కారణంగా భావోద్వేగాల్లో మార్పులు, శారీరక ఇబ్బందులూ వస్తాయి. కొన్ని జాగ్రత్తలు తీసుకుంటే ఈ దశను సులువుగానే ఎదుర్కోవచ్చంటున్నారు నిపుణులు.
తినాల్సినవి: * ఈస్ట్రోజన్‌ స్థాయులు తగ్గుతాయి. కాబట్టి ఎముకల్లో బలం తగ్గుతుంది. కాబట్టి, విటమిన్‌ డి, కె, క్యాల్షియం, ఫాస్ఫరస్‌ ఉండే పాలు, పాల సంబంధిత పదార్థాలకు ప్రాధాన్యమివ్వాలి. ఎముకలు బలంగా ఉండటానికి ప్రొటీన్‌ అవసరం. ఇందుకు గుడ్లు, చికెన్‌, చేపలను తీసుకోవాలి.
* గోధుమ, బ్రౌన్‌ రైస్‌, బార్లీ, క్వినోవాల్లో ఫైబర్‌, బి విటమిన్‌ ఎక్కువ. ఫైబర్‌ ఆరోగ్యంగా ఉంచితే, బి విటమిన్‌ ఉత్సాహంగా ఉంచడంతోపాటు అలసటను తగ్గిస్తుంది. పండ్లూ, కూరగాయలను ఎక్కువగా తీసుకోవాలి. వీటిలోని యాంటీ ఆక్సిడెంట్లు ఆరోగ్యకరమైన చర్మాన్ని అందించడంతోపాటు ఇన్‌ఫ్లమేషన్‌ను తగ్గిస్తాయి. గుండెనీ ఆరోగ్యంగా ఉంచుతాయి.
* నువ్వులు, అవిసెలు, బీన్స్‌ల్లో ఫైటోఈస్ట్రోజన్‌ ఉంటుంది. ఇది ఈస్ట్రోజన్‌కు ప్రత్యామ్నాయంగా పనిచేస్తుంది.
వీటికి దూరం: ప్రాసెస్‌డ్‌, కారం, తీపి, కెఫిన్‌ ఉండే పదార్థాలకు దూరంగా ఉండాలి. కొన్ని పదార్థాలతో భావోద్వేగాల్లో మార్పులు, వేడి చేయడం వంటివి కనిపిస్తాయి. అవేంటో గమనించుకుని, దూరంగా ఉండాలి. ఇంకా.. రోజూ కొద్దిసేపు నడవాలి. విపరీతమైన ఆందోళన, కోపం వంటి సూచనలు కనిపిస్తే వైద్యుణ్ని సంప్రదించాలి. ఈ సమయంలో బరువు పెరిగే అవకాశమూ ఉంటుంది. అందువల్ల ఆరోగ్యకర ఆహారానికే ప్రాధాన్యమివ్వాలి.

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని