చేరేముందే చూసుకోవాలి!
close
Updated : 31/07/2021 05:16 IST

చేరేముందే చూసుకోవాలి!

చదువు పూర్తవగానే ఎక్కువ మంది అమ్మాయిలు త్వరగా ఉద్యోగ జీవితంలోకి చేరిపోతుంటారు. అవకాశాన్ని అందుకోవాలనుకోవడం, త్వరగా స్థిరపడాలనుకోవడం ఇందుకు కారణాలు. మంచిదే కానీ.. భవిష్యత్‌ బాగుండాలంటే కొన్ని అంశాలనూ తప్పక పరిశీలించు కోవాలి.
అభివృద్ధి: పెద్ద సంస్థ, మంచి జీతం.. ఎక్కువగా చూసే అంశాలు. మంచిదే కానీ.. వ్యక్తిగతంగా ఎదిగే అవకాశాలున్నాయో లేదో కూడా చెక్‌ చేసుకోవాలి. పదోన్నతులు, స్వయంగా/ సంస్థాపరంగా నేర్చుకునే వీలు కల్పించడం మొదలైనవన్నీ చూసుకోవాలి. ప్రారంభం బాగుంటే సరిపోదు. ముందుకు సాగే అవకాశమూ ఉండాలి.
కొనసాగుతుందా?: ఇప్పుడు టెక్నాలజీ ఎంతగా దూసుకొస్తోందో ప్రత్యేకంగా చెప్పనక్కర్లేదు. ఎప్పుడు ఏ సంస్థ/ రంగం మూత పడుతుందో చెప్పలేని పరిస్థితి. కాబట్టి, తట్టుకోగల సంస్థేనో కాదో చెక్‌ చేసుకోండి. ఏమాత్రం అనుమానం ఉన్నా మార్చుకోవడమే మేలు. కావాలనుకుంటే ఎన్నో కోర్సులున్నాయి. వాటిని నేర్చుకుని కొత్తవాటికి ప్రయత్నించొచ్చు.
 ప్రాధాన్యమెలా?: ఎంత కష్టపడి, పోటీపడి చేసినా గుర్తింపు, పదోన్నతుల దగ్గరికొచ్చేసరికి మగవాళ్లకే ప్రాధాన్యమిస్తుంటాయి కొన్ని సంస్థలు. అలాంటి వాటిని ఎంచుకోకపోవడమే మేలు. కాస్త ఆలస్యమైనా పనికి విలువనిచ్చే వాటినే ఎంచుకోవాలి.
గమనిస్తున్నాయా!: ఇప్పుడు చాలావరకూ వర్క్‌ఫ్రం హోం విధానమే! పని గంటల్లోనూ తేడాలొచ్చాయి. ఒక్కరే అయితే సరే. బంధంలో ఉన్నప్పుడు బాధ్యతలూ ఉంటాయి. ఇలాంటి సమయంలో సంస్థలు ఉద్యోగుల సాదకబాధకాలను అర్థం చేసుకుంటున్నాయా లేదా అన్నదీ చూసుకోవాలి.

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని