దరఖాస్తు జాగ్రత్త!
close
Published : 03/08/2021 01:00 IST

దరఖాస్తు జాగ్రత్త!

భావన డిగ్రీ చేసింది. ఉద్యోగాన్ని వెతుక్కొని తన కాళ్లపై తాను నిలబడాలనుకుంటోంది. అయితే ఆన్‌లైన్‌లో ఎన్ని దరఖాస్తులు పంపుతున్నా సమాధానం లేదు. ఒక్కోసారి ఇంటర్వ్యూ వరకూ వెళ్లి విఫలమవుతోంది.  కారణమేంటో తెలియట్లేదు. ఇలాంటప్పుడు ఏం చేయాలో కొన్ని సూచనలిస్తున్నారు కెరీర్‌ నిపుణులు. అవేంటో చూడండి....

దరఖాస్తులో... కాలేజీలో మీరు చేసిన ఇంటర్న్‌షిప్స్‌ గురించి వివరంగా దరఖాస్తులో పొందుపరచాలి. అందులో మీరు అందుకున్న ప్రశంసలనూ చేర్చాలి. చదువుకునేప్పుడు ఏదైనా పార్ట్‌టైం ఉద్యోగం చేసినట్లైతే ఆ అనుభవాన్నీ రాయడం మర్చిపోకూడదు. వీటితోపాటు తరగతిలో చేసిన ప్రాజెక్టుల గురించి ప్రస్తావించాలి. వాటిలో సాధించిన విజయాలనూ పొందుపరచాలి. ఇవన్నీ వీలైనంత క్లుప్తంగానే ఉండాలి. ఏదైనా వలంటీర్‌గా పనిచేసిన అనుభవం ఉంటే దాన్నీ జతచేయాలి. అభ్యర్థిని పిలిచేటప్పుడు ప్రతి అంశాన్నీ పరిగణనలోకి తీసుకుంటారు. ఇవన్నీ మీకు ఇంటర్వ్యూ పిలుపును అందించవచ్చు.

భాష... దరఖాస్తులో చక్కటి భాషను వాడాలి. పదాల వినియోగం ఆకర్షణీయంగా కనిపించాలి. చదువు, అర్హత చాలవు, అనుభవం ఉండాలి అనుకోనక్కర్లేదు. చేసిన పార్ట్‌టైం ఉద్యోగం చిన్నదైనా అందులోని బాధ్యతల గురించి చెప్పినా, అది మిమ్మల్ని ఎంపిక చేయడానికి ప్లస్‌ కావొచ్చు. అందుకే మీ వివరాల్ని మంచి పదాలతో చెప్పగలగాలి. అలాగే మీకు తెలిసిన భాషలను మాత్రమే దరఖాస్తులో టిక్‌ పెట్టాలి. ఎందుకంటే మీరు ఇంటర్వ్యూకు వెళ్లినప్పుడు తెలియని భాషలో మాట్లాడటానికి ఇబ్బంది ఎదురుకాకూడదు. 

స్నేహితులతో... సహ విద్యార్థులతో ఉద్యోగ వివరాలను చర్చిస్తూ ఉండాలి. ఎవరెవరు ఎక్కడ అప్లై చేస్తున్నారో అవగాహన ఉంటే, అది మీకు ఉపయోగపడొచ్చు. ఇంటర్వ్యూకు ఎంపికైతే, వెళ్లే ముందే ఆ సంస్థను గురించిన పూర్తి వివరాలను అధ్యయనం చేయాలి. ఇంటర్య్వూలో ఉద్యోగాన్నిస్తే సంస్థ కోసం మీరేం చేయగలరో సంక్షిప్తంగా చెప్పాలి. ముఖ్యంగా దరఖాస్తులో రాసిన విషయాలకు భిన్నంగా మాట్లాడితే ప్రతికూల ప్రభావం చూపుతుంది. అందువల్ల దరఖాస్తు చేసేటపుడే జాగ్రత్తగా ఉండాలి.

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని