కాఫీ గాంధీతో గిన్నిస్‌ రికార్డు
close
Published : 02/10/2021 00:58 IST

కాఫీ గాంధీతో గిన్నిస్‌ రికార్డు

బాపూని చరిత్ర పాఠంగా కాకుండా నేటితరం ఇంకా గుండెల్లో పెట్టుకుందని నిరూపించే ప్రయత్నం చేసింది ఒంగోలుకు చెందిన ఆదిపూడి దేవిశ్రీ. కాఫీపొడితో ఆమె చిత్రించిన బాపు బొమ్మ గిన్నిస్‌ రికార్డుల్లోకెక్కి అందరి ప్రశంసలూ అందుకుంటోంది...

చిన్నతనం నుంచీ చిత్రలేఖనం అంటే ప్రాణం పెట్టేది దేవిశ్రీ. ఆమె ఇష్టాన్ని గుర్తించిన అమ్మానాన్నలు నరేంద్ర, నాగలక్ష్మి ఐదోతరగతి నుంచే ఓ గురువు దగ్గర శిక్షణ ఇప్పించారు. చిత్రకళలోనూ తనకేదైనా ప్రత్యేకత ఉండాలని దేవి తపించేది. తన ఆసక్తి చూసి నెయిల్‌పాలిష్‌, కాఫీపొడి తదితరాలతో కాన్వాస్‌పై అద్భుతమైన చిత్రాలు వేయొచ్చన్న గురువు తిమ్మిరి రవీంద్ర మాటల నుంచి స్ఫూర్తి పొందింది దేవి. మదర్‌థెరీసా వంటి వారి చిత్రాలను గీసి అనుభవం సంపాదించింది. ఆ ఆత్మవిశ్వాసంతోనే మూడేళ్ల క్రితం 40 కిలోల కాఫీపొడిని వాడి అతిపెద్ద గాంధీ చిత్రాన్ని గీసింది. దాన్ని రికార్డుగా ధ్రువీకరిస్తూ గిన్నిస్‌ వర్గాల నుంచి సమాచారాన్ని అందుకుంది. ఆ వివరాలను అప్పుడే పంపినా కరోనా వల్ల ధ్రువీకరణ రావడం ఆలస్యమైంది. ఇప్పటి వరకూ అతిపెద్ద కాఫీ చిత్రం 137 మీటర్లుగా నమోదైంది. 150 చ.మీటర్ల గాంధీ చిత్రంతో దాన్ని అధిగమించింది దేవి. దీన్ని రూపొందించడానికి 33 గంటలు శ్రమించింది. కాఫీ పొడిని ద్రవ రూపంలోకి మార్చి దాన్నే రంగుగా వినియోగించింది. 15 మీటర్ల పొడవు, పది మీటర్ల వెడల్పులో ఈ చిత్రాన్ని తీర్చిదిద్దింది. గిన్నిస్‌ స్ఫూర్తితో నైపుణ్యాలను మరింత పెంచుకుని మరిన్ని ప్రయోగాలు చేస్తానంటోంది ఇంటర్‌ రెండో సంవత్సరం చదువుతున్న దేవిశ్రీ.


Advertisement


మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని