ఆఫీసు స్నేహాలూ అవసరమే
close
Updated : 24/11/2021 05:46 IST

ఆఫీసు స్నేహాలూ అవసరమే

సహోద్యోగులతో అనుబంధాలు ఉండాలి. అప్పుడే ఆఫీసులో అలసట కలగదు. యాంత్రికత చోటుచేసుకోదు. ఆయా పనులు ఇష్టంగా, బాధ్యతగా చేయగల్గుతాం. ఉద్యోగంలో చేరీచేరగానే అందరూ స్నేహితులైపోరు. కొలీగ్స్‌తో ఎలా మెలగాలో కెరీర్‌ నిపుణులు చెబుతున్న సలహాలు చూడండి...

సాధ్యమైనంతవరకూ ఆఫీసుకు సమయానికి వెళ్లండి. ఈ క్రమశిక్షణ ఆఫీసులో గౌరవభావం కలిగించే తొలి అంశం. పనిలో నైపుణ్యాలు, సులువైన పద్ధతుల గురించి సీనియర్ల సలహాలు తీసుకోండి. వారి సహాయానికి కృతజ్ఞత చూపండి. పదేపదే అడిగితే విసుగు కలగొచ్చు. కనుక క్లిష్టమనిపించిన విషయాలను ఒకచోట రాసిపెట్టుకోండి.

మీదెంత కలుపుగోలు తత్వమైనా పరిచయం అవగానే సొంత విషయాలన్నీ చెప్పొద్దు, వారి గురించి కూడా ఆరా తీయొద్దు. కొన్ని రోజులు అందర్నీ గమనించండి. మీ మనసుకు సరిపోయే వాళ్లెవరో అర్థమవుతుంది. తోటి ఉద్యోగులు లేదా పై అధికారుల విషయంలో లోటుపాట్లు ఏమైనా గమనించినా వాటిని చర్చకు పెట్టొద్దు. అవి చిలవలు పలవలై మీమీద సదభిప్రాయం పోగొడతాయి.

అప్పగించిన పనిని వాయిదా వేయొద్దు. కాలయాపన చేయొద్దు. సక్రమంగా, సమయానికి పూర్తి చేయడమే కెరీర్‌లో ఎదుగుదలకు సోపానాలని మర్చిపోవద్దు.

అటెండర్‌ నుంచి ఆఫీసర్‌ వరకు ఎవరిమీదా చులకన అభిప్రాయాలు వద్దు. అందరితోనూ సౌమ్యంగా మాట్లాడండి. ఆ సద్గుణమే మీకు తోడునీడగా ఉండి మేలు చేస్తుంది. మీరు తోటివారిని మన్ననగా ఆదరించినట్లే మీ గౌరవానికి కూడా భంగం కలగకుండా చూసుకోండి.


Advertisement


మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని