అమెరికా నుంచి ఆపన్న హస్తం!
close
Updated : 15/06/2021 09:17 IST
Facebook Share Twitter Share WhatsApp Share Telegram Share Link Share

అమెరికా నుంచి ఆపన్న హస్తం!

పుట్టి పెరిగిందంతా అమెరికాలోనే అయినా..  భారతీయ సంస్కృతి అంటే ఎనలేని ఇష్టం. తెలుగు నేలంటే మరీ ఇష్టం. ఆ ప్రేమతోనే మాతృభూమి కోసం రూ.పదికోట్ల విరాళాలు సేకరించారామె. ఆవిడే అమెరికాలో న్యాయవాదిగా, యూఎస్‌ ఇండియా ఛాంబర్‌ ఆఫ్‌ కామర్స్‌ అధ్యక్షురాలిగా సేవలందిస్తున్న నీలిమ గోనుగుంట్ల. కరోనా వేళ ఆపన్న హస్తాన్ని అందిస్తోన్న ఆమెతో వసుంధర ముచ్చటించింది...
అమ్మానాన్నలు ఆంధ్రప్రదేశ్‌కు చెందిన వారు కావడంతో ఈ నేలతో, ఇక్కడి వారితో అనుబంధం ప్రత్యేకంగా భావిస్తున్నారు నీలిమ. డల్లాస్‌లో యూఎస్‌ ఇండియా ఛాంబర్‌ ఆఫ్‌ కామర్స్‌ అధ్యక్షురాలిగా పనిచేస్తున్న నీలిమ గోనుగుంట్ల సంస్థ తరఫున నిధులు సేకరించి భారతదేశంలోని పలు నగరాల్లో ఆక్సిజన్‌ కాన్సన్‌ట్రేటర్లు, వెంటిలేటర్లు, ఆక్సీమీటర్లు అందిస్తున్నారు. ఇంతవరకు సుమారుగా రూ.పది కోట్లకుపైగా విలువైన వస్తువులను అందజేశామంటున్న నీలిమ ప్రస్థానం తన మాటల్లోనే...
మా అమ్మ సురేఖ తూర్పుగోదావరి జిల్లాలోని కట్టమూరు గ్రామంలో పుట్టి పెరిగింది. నాన్న సత్యనారాయణ గోనుగుంట్ల వాళ్లది అనంతపురం. అమ్మ సీఏ, నాన్న ఇంజినీరింగ్‌ పూర్తి చేసి ఉద్యోగరీత్యా 1978లో అమెరికాలో స్థిరపడ్డారు. నేను పుట్టి పెరిగింది అమెరికాలోనే. బిజినెస్‌ లా పూర్తి చేసి న్యాయవాదిగా ప్రాక్టీస్‌ చేస్తున్నాను. ఏడేళ్లుగా డల్లాస్‌లోని యూఎస్‌ ఇండియా ఛాంబర్‌ ఆఫ్‌ కామర్స్‌ అధ్యక్షురాలిగానూ పనిచేస్తున్నా. సామాజిక సేవా కార్యక్రమాల్లో పాల్గొనడమూ నాకు అలవాటు. రెండేళ్లకోసారి భారతదేశానికి అమ్మానాన్నలతో కలిసి వచ్చేదాన్ని. అలా అమ్మమ్మ, తాతయ్య, నాన్న తరపు బంధువులతో అనుబంధం పెరిగింది. అంతా బాగుంది అనుకున్న సమయంలో కరోనా కల్లోలం ప్రపంచ దేశాలని వణికించడం మొదలుపెట్టింది. అమెరికాలో దీని తీవ్రతని దగ్గరుండి చూశాను. అక్కడ అధునాతన వైద్యం అందుతుంది. జనాభా పరిమితంగా ఉంటారు. ఇన్నిరకాల సౌకర్యాలున్న యూఎస్‌లోనే కరోనా ధాటికి అనేకమంది ప్రాణాలు పోగొట్టుకున్నారు. మరి భారత్‌ సంగతేంటా అని మనసులో ఆలోచనలు సుడులు తిరిగేవి.

మాతృభూమి రుణం తీర్చుకోవాలని..
నా ఆలోచనే నిజమైంది. ఇక్కడ అధిక సంఖ్యలో కేసులు నమోదవుతూ అనేక మంది మృత్యువాత పడుతున్న వార్తలు టీవీలో చూసి మనసంతా దిగులుగా మారిపోయింది. ముఖ్యంగా ఆక్సిజన్‌ కాన్సన్‌ట్రేటర్ల కొరత గురించి వార్తల్లో చూసి ఇప్పుడు కాకపోతే ఇంకెప్పుడు సాయం చేస్తాం అనిపించింది. అలాచేస్తే మాతృభూమి రుణం కొంతైనా తీర్చుకోగలనేమో అనిపించింది. నేను అధ్యక్షురాలిగా ఉన్న యూఎస్‌ ఇండియా ఛాంబర్‌ ఆఫ్‌ కామర్స్‌ ప్రతినిధులకు నా మనసులో మాటని వివరించా. అందరూ సానుకూలంగా స్పందించి సహకారం అందించారు. అలా ప్రవాస భారతీయులు, వైద్యులు, వ్యాపారులు అందరూ ముందుకు వచ్చారు. ఇక్కడ దేవాలయాలు, చర్చ్‌ల నిర్వాహకులు భక్తుల నుంచి కొంత సేకరించి ఇచ్చారు. మా ఛాంబర్‌లో ఉన్న వ్యాపారుల ద్వారా 200 మంది దాతలు ముందుకు వచ్చారు. అలా సేకరించిన నిధులతో ‘యూఎస్‌ఐసీఓసీ ఫౌండేషన్‌’ (యూఎస్‌ ఇండియా ఛాంబర్‌ ఆఫ్‌ కామర్స్‌)ని స్థాపించాం. రూ.పది కోట్లు వెచ్చించి దిల్లీ, పంజాబ్‌, హరియాణా, ఆంధ్రప్రదేశ్‌, తెలంగాణ, కర్ణాటక రాష్ట్రాల్లో... 135 వెంటిలేటర్లు, 1001 ఆక్సిజన్‌ కాన్సన్‌ట్రేటర్లు, 300 ఆక్సీమీటర్లు అందజేశాం.
చిన్మయ మిషన్‌లో నేర్చుకున్నా
నా భర్త ప్రమోద్‌కృష్ణ వేములపల్లి ఇంజినీర్‌. అమ్మా, నాన్న టెక్సాస్‌ రాష్ట్రంలోని షుగర్‌లాండ్‌లో ఉంటారు. మా అమ్మమ్మ శకుంతల, తాతయ్య నెక్కంటి కృష్ణచౌదరి కాకినాడలో ఉంటున్నారు. అమ్మమ్మ చేసే ఆంధ్రా వంటలంటే నాకు చాలా ఇష్టం. హిందూ సంప్రదాయం అంటే మరీ ఇష్టం. ఇక్కడ చిన్మయి మిషన్‌లో భారతీయ సంస్కృతీ సంప్రదాయాలను నేర్చుకున్నా. ఇంట్లో తెలుగు పండుగలు, పూజలు విధిగా పాటిస్తాం. ఇప్పుడు అందిస్తున్న సేవలు ఎంతో మందికి ఉపయోగపడుతున్నాయన్న తృప్తినిస్తున్నాయి. ఈ స్ఫూర్తితో భవిష్యత్తులోనూ మా కార్యకలాపాలను కొనసాగిస్తాం.


కొందరు మహిళలు భర్తను అనుసరిస్తారు. కొందరు తమ కలలను సాకారం చేసుకునేందుకు ప్రయత్నిస్తారు. ఏ మార్గం ఎంచుకోవాలాని ఆలోచిస్తున్నారా? ‘నేను నీ జీవనోపాధిని’ అంటూ మీ ఆశలు మేల్కొలిపి హెచ్చరించవని గుర్తుంచుకోండి.

- లేడీ గాగా, అమెరికన్‌ గాయని


మరిన్ని

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

ఆరోగ్యమస్తు

మరిన్ని

అనుబంధం

మరిన్ని

యూత్ కార్నర్

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

బ్యూటీ & ఫ్యాషన్

మరిన్ని