ఆకలి తీరుస్తున్న టీచరమ్మ!
close
Updated : 18/06/2021 01:29 IST
Facebook Share Twitter Share WhatsApp Share Telegram Share Link Share

ఆకలి తీరుస్తున్న టీచరమ్మ!

అ, ఆలు.. దిద్దించే ఆ చేతులు కొవిడ్‌ బాధితుల ఆకలినీ తీరుస్తున్నాయి. గత ఏడాది ప్రారంభమైన అన్నదానం నేటికీ కొనసాగుతోంది. తన ఈ కార్యక్రమానికి ప్రేరణ, సాగిస్తున్న తీరులను ఆదిలాబాద్‌కు చెందిన ఉపాధ్యాయురాలు జయశ్రీ మనతో పంచుకుంటున్నారిలా..
మాది ఆదిలాబాద్‌ జిల్లా రవీంద్రనగర్‌. మావారు వేణుగోపాల్‌రెడ్డి వైద్యారోగ్యశాఖ ఉద్యోగి. నేను ఆదిలాబాద్‌ గ్రామీణ మండలం రామాయి ఉన్నత పాఠశాల ఉపాధ్యాయినిని. ఆర్థిక ఇబ్బందులేవీ లేవు. పిల్లలు మణిదీప్‌, అనుదీప్‌ ఉన్నత విద్యను చదువుతున్నారు. ఆదిలాబాద్‌ సమీపంలోని బెల్లూరి అయ్యప్ప ఆలయంలో జరిగే అన్నదానంలో తరచూ పాల్గొంటాం. అక్కడి అన్నార్తులను చూసినప్పుడే అన్నం, ఆకలి విలువేంటో తెలిసింది.

గతేడాది మార్చి నెలాఖరులో లాక్‌డౌన్‌ మొదలైంది. అదే రోజు అందుబాటులో ఉన్న నిరుపేదలకు రోజూ ఓ పూట భోజనం పెట్టాలని అనుకున్నాం. 50 మందికి సరిపడా భోజనం వండుకుని ప్యాక్‌ చేసుకుని రైల్వేస్టేషన్‌కు వెళ్లాం. అక్కడ ఆకలితో ఉన్న వారికల్లా వాటిని పంచేశాం. ‘పొద్దున్నుంచి ఖాళీ కడుపుతో ఉన్న మాకు అమ్మలా అన్నం పెట్టావమ్మా’ అంటూ వాళ్లు ఆనందంతో దండం పెడుతుంటే బాధ, సంతోషం రెండూ కలిగాయి. కాలే కడుపుతో ఉన్న వారికి లాక్‌డౌన్‌ అన్నాళ్లూ ఆహారం ఇవ్వాలనుకున్నా. అలానే 62 రోజులు పంచిపెట్టాం. ఈ రెండో వేవ్‌లో కూడా పేదలు, పనులు లేని వారికి ఒకపూటైనా భోజనం పెట్టాలనుకున్నా. మే పన్నెండు నుంచి భోజనాలు పంపిణీ చేస్తున్నాం. పోయినేడాదిలో రోజూ 50 నుంచి 60 మందికి ఆహారం అందించాం. ఈ ఏడాది 75 మందికి చేస్తున్నాం. మావారు ఆఫీసుకు వెళ్లేవరకూ పనుల్లోనూ సాయం చేస్తారు. మళ్లీ ఆయన భోజన విరామ సమయంలో రాగానే భోజన ప్యాకెట్లు కారులో తీసుకెళ్లి పంపిణీ చేస్తారు.
రోజుకో రకం... రోజూ ఒకేరకమైన భోజనం మనమూ తినలేం కదా. అందుకని రోజుకో రకమైన వంట చేస్తున్నాం. పప్పు, అన్నం, కిచిడి, పులిహోర, పనస బిర్యానీ, వెజ్‌ బిర్యానీకి ప్రాధాన్యం ఇస్తున్నాం. రోజూ మామిడికాయ పచ్చడి, అరటిపండుతోపాటు పిల్లలెవరైనా ఉంటారని బిస్కెట్లు, బ్రెడ్‌ పాకెట్లనూ తీసుకెళతాం. మాకున్నదాంట్లో కొందరి ఆకలినైనా తీర్చడం చాలా సంతృప్తినిస్తోంది.

- ఎం.మణికేశ్వర్‌, ఆదిలాబాద్‌


మరిన్ని

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

ఆరోగ్యమస్తు

మరిన్ని

అనుబంధం

మరిన్ని

యూత్ కార్నర్

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

బ్యూటీ & ఫ్యాషన్

మరిన్ని