నిజ జీవిత షేర్నీ
close
Updated : 21/06/2021 01:06 IST
Facebook Share Twitter Share WhatsApp Share Telegram Share Link Share

నిజ జీవిత షేర్నీ

బాలీవుడ్‌ నటి విద్యాబాలన్‌ నటించిన షేర్నీ చిత్రం ప్రముఖుల ప్రశంసలు అందుకుంటుంటే... మరోవైపు సోషల్‌ మీడియాలో అందరూ మహిళా ఐఎఫ్‌ఎస్‌ అధికారి కేఎం అభర్నాను గుర్తు  తెచ్చుకుంటున్నారు. ఆమె ప్రదర్శించిన ధైర్యం, స్ఫూర్తి షేర్నీ కథలో కనిపిస్తున్నాయంటున్నారు. వైరల్‌ అవుతోన్న ఈ మహిళాధికారి కథ మనమూ తెలుసుకుందాం.

2013 బ్యాచ్‌ ఐఎఫ్‌ఎస్‌ అధికారిగా మహారాష్ట్ర అటవీశాఖలోకి అడుగుపెట్టిన అభర్న డిప్యూటీ కన్జెర్వేటర్‌గా తనదైన ముద్ర వేశారు. గిరిజనులను పొట్టన పెట్టుకుంటున్న ఆడపులి అవని కదలికలను గుర్తించడంలో సాహసోపేతంగా వ్యవహరించారు. ఈమె సేవలకుగాను కజిరంగా నేషనల్‌ పార్కుకు ఇంచార్జిగా పదోన్నతిని అందుకున్నారు.

15 మందిని పొట్టనపెట్టుకుంది

మహారాష్ట్రలోని పంధార్‌కావ్డా డివిజన్‌లో ఆడపులి ‘అవని’ 2018లో తీవ్ర సంచలనం కలిగించింది. దాని నోటికి చిక్కి 15మంది చనిపోయారు. ఆ సమయంలో అభర్న అక్కడ డిప్యూటీ కన్జర్వేటర్‌గా చేరారు. ‘నేనక్కడికి వెళ్లేసరికి పరిస్థితి చాలా క్లిష్టంగా ఉంది. ప్రజలు కోపోద్రేకాలతో ఉన్నారు. ఆ పులిని బంధించడమే నా లక్ష్యమైంది. ఆ మేన్‌ఈటర్‌ సంచరించే ప్రతి చోట సీసీ కెమెరాలు ఏర్పాటు చేయించా. తొమ్మిది మంది మహిళా గార్డుల బృందాలను నియమించా. వారు ప్రజలను అప్రమత్తం చేసేవారు. ఓ మొబైల్‌ స్క్వాడ్‌ను నియమించా. వీరు కాక టైగర్‌ ప్రొటెక్షన్‌ ఫోర్స్‌ పేరుతో 50 మంది కమాండోలు, షార్ప్‌ షూటర్‌, పోలీసులు గాలిస్తూ ఉండేవారు. ఎక్కడికక్కడ బోనులు ఏర్పాటు చేశాం. 12 చోట్ల గుర్రాలు, మేకలను ఎరగా ఉంచాం. కానీ అది చాలా తెలివిగా మా కళ్లుకప్పి దాని పిల్లలకు ఆ ఆహారాన్ని తీసుకెళ్లేది. డ్రోన్‌ కెమెరాతో అడవిని గాలించేవాళ్లం. 2018, నవంబరులో ఒకచోట దాన్ని గుర్తించి చుట్టుముట్టాం. ట్రాన్‌క్విలైజర్‌ తుపాకీతో షూట్‌ చేశా. స్పృహ తప్పి, అంతలోనే లేచి, తప్పించుకుంది. అయితే శరీరంలో మత్తు ఇంకా ఉండటంతో,  దాన్ని వెంటాడాం. ఓ షూటర్‌ దాన్ని షూట్‌ చేశాడు. ఆ గాయంతో అక్కడి నుంచి అడవిలోకి వెళ్లి, ఆ తర్వాత చనిపోయింది. అవని ఆపరేషన్‌కు నేతృత్వం వహించడం ఎప్పటికీ మరవలేను’ అని చెబుతున్న అభర్న ప్రస్తుతం మహారాష్ట్రలో బాంబూ రీసెర్చి అండ్‌ ట్రైనింగ్‌ సెంటర్‌కు డైరెక్టర్‌గా ఉన్నారు. 

 


మరిన్ని

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

ఆరోగ్యమస్తు

మరిన్ని

అనుబంధం

మరిన్ని

యూత్ కార్నర్

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

బ్యూటీ & ఫ్యాషన్

మరిన్ని