మనసున్న డాక్టరమ్మ!
close
Updated : 22/06/2021 01:34 IST
Facebook Share Twitter Share WhatsApp Share Telegram Share Link Share

మనసున్న డాక్టరమ్మ!

మేమున్నాం

ఆక్సిజన్‌ కొరత కారణంగా ఎవరూ ప్రాణాలు వదలకూడదనేది ఆవిడ తపన. అందుకే ఐసీయూలో చికిత్స పొందుతున్న సమయంలోనూ రూ.50 లక్షల విరాళం చెక్‌పై సంతకం పెట్టి గొప్ప మనసుని చాటుకున్నారు హైదరాబాద్‌కి చెందిన డాక్టర్‌ యలమంచిలి అరుణకుమారి...

రుణకుమారి తండ్రి ఎలక్ట్రికల్‌ ఇంజినీర్‌. తల్లి అఖిలాండేశ్వరి. చిన్నప్పుడే తండ్రికి దూరమైన అరుణకుమారి.. తల్లి, అన్నయ్యలతో కలిసి గుంటూరులోని అమ్మమ్మ ఇంటికి వచ్చేశారు. అక్కడ ఎవరికి అనారోగ్యంగా ఉన్నా, దగ్గరుండి మరీ ఆసుపత్రికి తీసుకెళ్లేవారామె. ఆ వైద్యులను చూస్తూ తాను కూడా ఇదే వృత్తిలోకి అడుగుపెట్టాలనుకున్నారు. గుంటూరు వైద్యకళాశాలలో డాక్టరు కోర్సు పూర్తి చేశారు. వృత్తిని దైవంగా భావించే డాక్టర్‌ అరుణకుమారి.. అర్ధరాత్రి సమయంలో కూడా రోగుల వద్దకు వెళ్లి పరామర్శించేవారు. ‘అన్నయ్యను, నన్ను అమ్మ ఒంటరిగానే పెంచింది. మేం కోరిన చదువులు చదివించింది. ఎందరో పేద విద్యార్థులకు ఆర్థికసాయం చేసేది. అలా చిన్నప్పటి నుంచే నాకు సాయం చేసే గుణం అలవడింది. మావారు యలమంచిలి రవికుమార్‌ వ్యాపారి. నా వృత్తిని ఆయన గౌరవించేవారు. అర్ధరాత్రి సమయాల్లో ఆసుపత్రి నుంచి ఫోన్‌ వస్తే ఆసుపత్రికి దగ్గరుండి తీసుకెళ్లేవారు. నేను తిరిగి వచ్చేంతవరకు కారులో ఎదురు చూసేవారు. నాకన్నా ఆయనకు దానగుణం ఎక్కువ. మా దగ్గర పనిచేసే కార్మిక కుటుంబాలన్నింటినీ సొంత వాళ్లనే అనుకునేవాళ్లం. మాకు పిల్లల్లేరు. వాళ్ల పిల్లలే మా పిల్లలయ్యారు. 30ఏళ్లుగా వృత్తిపరంగా వందలమందికి సాయం అందించిన తృప్తి ఉంది. గతేడాది మావారు అనారోగ్యంతో కన్ను మూశారు. బతికున్నంత కాలం తోటివారికి సాయం చేయాలనేది నా కోరిక. ఆక్సిజన్‌ కోసం... విజయవాడ, ఓల్డ్‌ జీజీహెచ్‌లో ఆక్సిజన్‌ జనరేషన్‌ ప్లాంట్‌ ఏర్పాటు చేస్తున్నారని తెలిసి నావంతు సాయం అందించాలనుకున్నా. అంతలో అనారోగ్యానికి గురయ్యా. ఐసీయూనుంచి వచ్చాక ఇద్దురు అన్నారు. కానీ ప్లాంట్‌ నిర్మాణం ఆలస్యం అవ్వకూడదనుకున్నా. అందుకే ఇక్కడి నుంచే రూ.50 లక్షలు చెక్‌ విరాళంగా అందించా. ఇంకెవరూ కొవిడ్‌తో ప్రాణాలు కోల్పోకూడదని ఆ దేవుడిని వేడుకుంటున్నా’ అని చెబుతున్నారు 72 ఏళ్ల డాక్టర్‌ అరుణకుమారి.


మరిన్ని

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

ఆరోగ్యమస్తు

మరిన్ని

అనుబంధం

మరిన్ని

యూత్ కార్నర్

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

బ్యూటీ & ఫ్యాషన్

మరిన్ని