ఆ పిల్లల కోసం ఎంతైనా కష్టపడాలనిపిస్తుంది!
close
Published : 02/07/2021 01:08 IST

ఆ పిల్లల కోసం ఎంతైనా కష్టపడాలనిపిస్తుంది!

ఒక అమ్మ కష్టం మరో అమ్మకే తెలుస్తుంది... ‘నా పాపకి పాఠాలు చెప్పరూ?’అని 35 ఏళ్ల క్రితం ఓ తల్లి చేసిన అభ్యర్థన ఆమెని కదిలించింది. అదే ఆమెను మానసిక వికలాంగుల ఆశ్రమాన్ని స్థాపించేలా చేసింది. 72 ఏళ్ల వయసులోనూ ఎన్నో సేవా కార్యక్రమాల్ని చేస్తూ అందరి మన్ననలు అందుకుంటున్నారు విశాఖపట్నానికి చెందిన మల్లంపల్లి నాగరాజకుమారి..

నలభైరెండేళ్ల క్రితం విశాఖపట్నంలో ఓ చిన్న పాఠశాలని ప్రారంభించి విజయవంతంగా నడుపుతుండేవారు నాగరాజకుమారి. కొన్నేళ్ల తర్వాత ఒకావిడ మాటలు రాని తన కూతురికి పాఠాలు నేర్పమని అడిగింది. మరికొన్ని రోజులకు మరో బధిర విద్యార్థినిని కూడా చేర్చుకున్నారు కుమారి. ఇలా ఏడాది గడిచేసరికి ఇటువంటి పిల్లలు పదహారుమందయ్యారు. అప్పుడే కుమారి ఆలోచించారు. సాధారణ పిల్లలు ఎక్కడైనా సులభంగా చదువుకుంటారు. ఇటువంటి పిల్లలకు చదువు చెప్పడంలోనే కదా గొప్పదనం ఉందనుకున్నారు. అదే ఏడాది ‘సన్‌ఫ్లవర్‌ ఎడ్యుకేషనల్‌ అండ్‌ ఛారిటబుల్‌ సొసైటీ’ను నెలకొల్పారు. ఆ పిల్లల కోసం తను 35 ఏళ్ల వయసులో హైదరాబాద్‌లోని నేషనల్‌ ఇనిస్టిట్యూట్‌ ఆఫ్‌ మెంటల్లీ హేండీక్యాప్డ్‌ ఇన్‌స్టిట్యూట్‌లో 9 నెలల శిక్షణ తీసుకున్నారు. అప్పటి నుంచి మానసిక వికలాంగులు, వీధిబాలలు, అనాథ, పేద ఆడపిల్లలకు ఉచితంగా చదువు, వృత్తివిద్య శిక్షణ అందిస్తూ వారి కాళ్లమీద వారు నిలబడేందుకు కృషి చేశారు. ఇప్పటివరకూ వెయ్యి మందికిపైగా మానసిక వికలాంగులకు శిక్షణ ఇచ్చారు. అనాథలు, వీధి బాలల కోసం అనాథ శరణాలయాన్ని ఏర్పాటు చేసి 300 మందిని అక్కున చేర్చుకున్నారు. ప్రస్తుతం 175 మంది మానసిక వికలాంగులకు శిక్షణ ఇస్తున్నారు. వ్యక్తిగత శుభ్రత, సొంతంగా తినడం, తమ పనులు తాము నేర్చుకోవడం వంటివన్నీ నేర్పిస్తారు. నెమ్మదిగా వాళ్లని చదువులవైపు మళ్లిస్తారు. వీటితోపాటు పిల్లలకు ఇష్టమైన సంగీతం, నృత్యం, కంప్యూటర్‌, కొవ్వొత్తుల తయారీ, టైలరింగ్‌ వంటి వృత్తివిద్య శిక్షణలు అందిస్తారు. మూగ, చెవిటి పిల్లలు కూడా సాధారణ పిల్లలతో కలిసిపోయేలా తయారు చేస్తారు. ఇక్కడ చదువుకున్న పిల్లల్లో చాలామంది ఆడపిల్లలు వివాహాలు చేసుకొని మంచి జీవితాల్ని గడుపుతున్నారు. ప్రస్తుతం ఈ కేంద్రాలను అద్దె కేంద్రాల్లోనే నడుపుతున్నారు. కొవిడ్‌ కారణంగా నిర్వహణ భారమూ పెరిగింది. ఈ మాట అడిగితే ‘ఏ స్వార్థమూ లేని ఈ పిల్లలకోసం ఎంత కష్టమైనా పడాలనిపిస్తుందని’ అని నవ్వేస్తారామె. 72 ఏళ్ల వయసులోనూ ఎంతో చురుగ్గా ఉంటారామె. ఆమె ప్రారంభించిన పాఠశాల ఇప్పుడు కళాశాలగా విస్తరించింది. దాన్ని ఆమే పర్యవేక్షిస్తున్నారు. భర్త బీమాసంస్థలో ఉన్నతోద్యోగి. ఆయన సహకారంతోనే సేవా కార్యక్రమాల్లో పాల్గొంటున్నారు.

కొవిడ్‌ మృతదేహాలను తరలించడానికి అంబులెన్స్‌ నిర్వాహకులు పెద్దమొత్తంలో డబ్బులకు పీడిస్తున్నారని విన్నారు. వెంటనే తన దగ్గరున్న పాఠశాల బస్సును అంబులెన్స్‌గా మార్చారు. 24గంటలూ పని చేసేందుకు వీలుగా ఇద్దరు డ్రైవర్లు, ఒక వాలంటీరును ఏర్పాటు చేశారు. ఇప్పటి వరకు వందకు పైగా మృతదేహాలను ఉచితంగా శ్మశానవాటికలకు తరలించారు. రహదారుల మీద ఎవరైనా నిర్భాగ్యులు, నిరాశ్రయులు ఆపదలో ఉన్నారని తెలిస్తే వెంటనే ఆసుపత్రికి తరలించి చికిత్స చేయిస్తుంటారు. కుటుంబసభ్యులకు అంత్యక్రియలు నిర్వహించలేని పరిస్థితుల్లో ఉన్న వారెందరికో ఆర్థికంగా అండగా నిలిచారు. ‘గత నెలలో ఫోన్‌ రింగయితేనే భయమేసేది. ఎవరు ఫోన్‌ చేసినా మృతదేహాన్ని తరలించేందుకు రావాలని కోరేవారు. అటువంటి బాధ ఎవరికీ రాకూడదు. అటువంటిది ఇప్పుడు రోజుకు ఒక ఫోన్‌ వస్తుంది. నాకదే సంతోషంగా అనిపిస్తోంది’ అంటున్నారు నాగరాజకుమారి.

సురేశ్‌ రావివలస, విశాఖపట్నం


మంచిమాట

రాకెట్‌లో ప్రయాణించే అవకాశం వస్తే ఎక్కడ, ఏ సీటు అని అడగొద్దు. ముందు ఎక్కి కూర్చోండి.
- షెరిల్‌ శాండ్‌బర్గ్‌, ఫేస్‌బుక్‌, సీఓఓ


 

మరిన్ని

నారీ... వ్యాయామ దారి!

ఇంట్లో పనే ఎక్సర్‌సైజు... ఒక గృహిణి అభిప్రాయం. ఆఫీసుకెళ్లొచ్చే సరికే టైం అయిపోతుంది. మళ్లీ జిమ్‌కు వెళ్లే తీరిక ఎక్కడిది? ఒక ఉద్యోగిని ఆవేదన. జిమ్‌ కెళ్లినా అక్కడ మగవాళ్లతో పాటు చేయలేం... ఇదో యువతి సమస్య... ఆరోగ్యాన్ని కాపాడుకోవాలనే ఆలోచన ఉంటే మార్గాలు బోలెడు ఉన్నాయంటున్నారు...జీరోసైజ్‌ లేదా సన్నగా, నాజూగ్గా ఉండాల్సిన అవసరం సినీతారలు, మోడల్స్‌కు మాత్రమే. మేమెందుకు నోరు కట్టేసుకోవాలి, కసరత్తులంటూ చెమటోడ్చాలి అనే భావన చాలా మంది మహిళల్లో ఉండేది. గృహిణులకు ఇంటిపనే సరిపోతుందిలే’ అనే అపోహ ఉండేది. ఇప్పుడు మహిళలకూ ఉద్యోగ, ఉపాధి అవకాశాలు పెరగటంతో జీవనశైలిలో మార్పులు వచ్చాయి.

తరువాయి

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

తరువాయి

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

తరువాయి

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని