డిగ్రీల టీచర్‌సునీత
close
Published : 06/07/2021 00:40 IST

డిగ్రీల టీచర్‌సునీత

ఒక్క డిగ్రీ పూర్తి చేయడానికే నానా తంటాలు పడుతుంటారు కొందరు. ఇక ఉద్యోగం వస్తే చదువుని పూర్తిగా మర్చిపోతారు. డాక్టర్‌ సునీత అలా కాదు. వైకల్యాన్ని జయించి ఉద్యోగం సాధించడమే కాదు.. పట్టుదలతో ఏడు డిగ్రీలూ, రెండు పీహెచ్‌డీలూ సాధించారు.  

పీజీలు 2
ఎంఈడీలు 2
ఎంఫిల్‌ 1
పీహెచ్‌డీలు 2

తిరుపతి శ్రీ పద్మావతి మహిళా డిగ్రీ, పీజీ కళాశాల కామర్స్‌ విభాగం అధ్యాపకురాలు డాక్టర్‌ టి.సునీత. చిత్తూరుకు చెందిన మురహరి, స్వరాజ్యభారతి దంపతుల ఏకైక కుమార్తె. మూడేళ్ల వయస్సులో పోలియో సోకింది. ఆ వైకల్యాన్ని మర్చిపోయి చదువుకుంటున్న కూతుర్ని అమ్మానాన్నలు ప్రోత్సహించారు. రోజూ ఎత్తుకుని పాఠశాలలో దింపేవారు వాళ్ల అమ్మ. వాళ్ల నమ్మకాన్ని నిలబెట్టుకున్నారు సునీత. పదోతరగతి నుంచి ఇంటర్‌, డిగ్రీ, పీజీ, బీఈడీ, ఎంఈడీ ఇలా అన్నింటిలోనూ తనది ప్రథమ స్థానమే. బీఈడీ చేసి 22 సంవత్సరాలకే తితిదే బధిర పాఠశాలలో ఉపాధ్యాయినిగా ఉద్యోగం సాధించారు. ఇవన్నీ అమ్మ ప్రోత్సాహం వల్లనే సాధ్యమయ్యాయి అంటారామె.

కొనసాగిన విద్య...

తాను కోరుకున్న ఉపాధ్యాయిని ఉద్యోగం వచ్చింది. ఇక చాల్లే అని తృప్తిపడలేదు. ఉద్యోగం, కుటుంబ బాగోగులు చూసుకుంటూ మరిన్ని డిగ్రీలు, డాక్టరేట్లు సాధించారు. ఎస్వీయూలో ఎమ్మే సోషియాలజీ చేశారు. తర్వాత 1999-2002 విద్యాసంవత్సరంలో ఎంఫిల్‌ పూర్తి చేశారు. అన్నామలై యూనివర్సిటీలో జనరల్‌ ఎంఈడీ కోర్సు చేశారు. 2003లో తిరుపతి శ్రీ పద్మావతి మహిళా వర్సిటీలో పీహెచ్‌డీలో చేరారు. 2004లో దూరవిద్యా విధానంలో బీఏ, అనంతరం ఎంకాం చదివారు. 2005లో ఏడాదిపాటు ఉద్యోగానికి సెలవుపెట్టి మహిళా వర్సిటీలో రెగ్యులర్‌ పద్ధతిలో స్పెషల్‌ ఎంఈడీ కోర్సు చేశారు. 2011లో ‘మూగ పిల్లల్లో భాషాభివృద్ధి’ అంశంపై పరిశోధన చేసి పీహెచ్‌డీ డిగ్రీ అందుకున్నారు. ఆ తర్వాత కుప్పం ద్రవిడ యూనివర్సిటీలో ఇటీవలే కామర్స్‌లో పరిశోధన చేసి రెండో పీహెచ్‌డీ పూర్తి చేశారు.

29 ఏళ్ల బోధనానుభవం

1992లో అధ్యాపకురాలిగా ఉద్యోగం సాధించిన సునీత అంచెలంచెలుగా ఎదుగుతూ ఎంతోమందిలో స్ఫూర్తినీ నింపారు. కళాశాలలో సాధారణ ఉద్యోగులు చేసే పనులన్నీ సునాయాసంగా చేసుకుంటూ వారికి పోటీగా నిలుస్తున్నారు. తాజాగా సావిత్రీబాయ్‌ఫూలే అవార్డు అందుకున్నారు. 2014లో అసిస్టెంట్‌ ప్రొఫెసర్‌ ఉద్యోగం వచ్చినా ...పద్మావతి డిగ్రీ కళాశాలలో తాను చేస్తున్న ఉద్యోగంపై ఇష్టంతో ఆ అవకాశాన్ని వదులుకున్నారు. మంచి అధ్యాపకురాలిగా విద్యార్థినుల మనస్సుల్లో నిలిచిపోవాలనే తన ఆకాంక్ష అంటున్నారామె.  

-గుడికోన కృష్ణకుమారి, తిరుపతి

మరిన్ని

నారీ... వ్యాయామ దారి!

ఇంట్లో పనే ఎక్సర్‌సైజు... ఒక గృహిణి అభిప్రాయం. ఆఫీసుకెళ్లొచ్చే సరికే టైం అయిపోతుంది. మళ్లీ జిమ్‌కు వెళ్లే తీరిక ఎక్కడిది? ఒక ఉద్యోగిని ఆవేదన. జిమ్‌ కెళ్లినా అక్కడ మగవాళ్లతో పాటు చేయలేం... ఇదో యువతి సమస్య... ఆరోగ్యాన్ని కాపాడుకోవాలనే ఆలోచన ఉంటే మార్గాలు బోలెడు ఉన్నాయంటున్నారు...జీరోసైజ్‌ లేదా సన్నగా, నాజూగ్గా ఉండాల్సిన అవసరం సినీతారలు, మోడల్స్‌కు మాత్రమే. మేమెందుకు నోరు కట్టేసుకోవాలి, కసరత్తులంటూ చెమటోడ్చాలి అనే భావన చాలా మంది మహిళల్లో ఉండేది. గృహిణులకు ఇంటిపనే సరిపోతుందిలే’ అనే అపోహ ఉండేది. ఇప్పుడు మహిళలకూ ఉద్యోగ, ఉపాధి అవకాశాలు పెరగటంతో జీవనశైలిలో మార్పులు వచ్చాయి.

తరువాయి

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

తరువాయి

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

తరువాయి

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని