తారల చీరలు కొలువుదీర్చింది
close
Updated : 20/07/2021 00:53 IST
Facebook Share Twitter Share WhatsApp Share Telegram Share Link Share

తారల చీరలు కొలువుదీర్చింది

పురాతన నాణేలు, స్టాంపులు, కొత్త నోట్లు.. సేకరించే అలవాటుండటం చూస్తుంటాం. కానీ పశ్చిమగోదావరి జిల్లా పాలకొల్లుకు చెందిన రేపాక భాగ్యలక్ష్మికి చీరలను సేకరించడం అలవాటు. అదీ.. సినిమా కథానాయికలు ధరించినవి. ఆ వివరాలేంటో చూద్దాం రండి.

భాగ్యలక్ష్మి చిన్నప్పటి నుంచి చీరలపై ఆసక్తితో వాటిని సేకరించేది. కథానాయికలు సినిమాల్లో ధరించిన ప్రత్యేక చీరల గురించి ఇంట్లో వాళ్లు, ఇతరులు చర్చించుకోవడం మరింత ఉత్సుకతను కలిగించింది. ఆ చీరలను, వాటిపై ఉన్న చిత్రాలను సొంతగా గీసి అల్లికలు చేయడం ఆరంభించింది. అది క్రమంగా అభిరుచిగా మారింది. తర్వాత ప్రేమ్‌నగర్‌ నుంచి బాహుబలి వరకు... సావిత్రి నుంచి కాజల్‌, అనుష్క వంటి తారలు సినిమాల్లో ధరించిన చీరలను సేకరించింది. అలా 30 ఏళ్లలో పలు హిట్‌ చిత్రాల్లో ప్రాచుర్యం పొందిన చాలా చీరలు ఆమె దగ్గర ఉన్నాయి. ఒకవేళ అవి దొరక్కపోతే అలాంటివే  భర్త రామలింగేశ్వరరావు సాయంతో సూరత్‌, పోచంపల్లి, అహ్మదాబాద్‌, బెనారస్‌, గద్వాల్‌, కంచి వంటి ప్రాంతాల నుంచి తెప్పించుకునేది. కొన్ని తను ధరించినా, చాలావరకూ పాడవకుండా భద్రపరిచింది. ‘చాలా మంది ఎక్కడెక్కడి నుంచో వచ్చి ఈ చీరలను చూసి సంతోషపడుతుంటారు’ అని భాగ్యలక్ష్మి సంతోషంగా చెబుతున్నారు.

- శ్రీనివాస్‌, పాలకొల్లు, పశ్చిమగోదావరి


మరిన్ని

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

ఆరోగ్యమస్తు

మరిన్ని

అనుబంధం

మరిన్ని

యూత్ కార్నర్

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

బ్యూటీ & ఫ్యాషన్

మరిన్ని