వద్దన్న నేనే..వెంట వెళుతున్నా!
close
Updated : 21/07/2021 15:01 IST
Facebook Share Twitter Share WhatsApp Share Telegram Share Link Share

వద్దన్న నేనే..వెంట వెళుతున్నా!


‘రోడ్డు ప్రమాదం అంటే ఓ కుటుంబం రోడ్డున పడ్డట్లే’.. ఈ ఆలోచనే ఆయన్ని సేవ వైపు నడిపించింది. ఆయన కోసమని అటు వెళ్లి ఆవిడా అందులోనే మమేకమైపొంది. దశాబ్దకాలంగా రోడ్‌ డాక్టర్స్‌గా నిలుస్తున్న వాళ్లే.. వెంకటేశ్వరి, కాట్నం గంగాధర్‌ తిలక్‌ దంపతులు. ఇటీవల తెలంగాణ హైకోర్టు ఈ దంపతుల్ని అభినందిస్తూ అధికార యంత్రాంగాన్ని మందలించింది. ఈ సేవలో తన అనుభవాలను వెంకటేశ్వరి వసుంధరతో పంచుకున్నారిలా...

మాది తూర్పుగోదావరి జిల్లా. అయిదో తరగతి వరకే చదువుకున్నా. నా 17వ ఏట తిలక్‌తో పెళ్లైంది. ఆయన విజయవాడ రైల్వే డివిజన్‌లో చేసే వారు. మాకో బాబు, పాప. ఇద్దరూ స్థిరపడ్డారు. 2008లో ఉద్యోగ విరమణ చేశారాయన. తర్వాత హైదరాబాద్‌ వచ్చాం. ఇక్కడ మరో ఉద్యోగంలో చేరారు. ఓరోజు మాసిన దుస్తులతో వచ్చారు. ఏసీలో పని చేసే ఆయన అలా ఎందుకున్నారని అడిగా. అప్పుడే మొదటిసారి గుంతలు పూడ్చి వస్తున్నారని తెలుసుకున్నా. మీకు ఎందుకని కోప్పడ్డా, నచ్చచెప్పినా వినలేదు. ఒక్కో రోజు లంచ్‌ కూడా తినేవారు కాదు. అదేమంటే ‘ఆ సమయంలో రెండు చోట్ల మరమ్మతు చేసొచ్చా’ననే వారు. దీని కోసం ఉద్యోగమూ మానేశారు.

అబ్బాయిని పిలిపించా

ఇక లాభం లేదని అమెరికాలోని మా అబ్బాయి రవికి కబురుపెట్టా. తనైనా నచ్చచెబుతాడనుకున్నా. ఆరోజు వాళ్ల నాన్నతో రవి కూడా బయటికి వెళ్లాడు. వాడెదురుగానే ఓ గుంత కారణంగా బైకు ఆక్సిడెంట్‌లో ఒకరికి గాయాలయ్యాయట. అంతకుముందే దాన్ని పూడ్చబోతుంటే రవి విసుక్కున్నాడట. దాంతో వాళ్ల నాన్న చేస్తున్న పనిని అభినందించి, అమెరికా వెళ్లిపోయాడు. ఉదయాన్నే వెళ్లే ఆయన ఏ సాయంత్రానికో వచ్చేవారు. బాక్సు కూడా తినకుండా అలాగే తెచ్చేవారు. ఇలా కాదని ఆయన కూడా అన్నం పట్టుకుని వెళ్లేదాన్ని. నడి వేసవిలో ఆయన గోతులను మరమ్మతు చేస్తుండటం చూసి సాయమందించడం మొదలుపెట్టా. మా కారులో సిమెంటు, తారు వంటివన్నీ చిన్న బస్తాల్లో వేసుకుని బయల్దేరతాం. ఇప్పుడు నాకూ ఎండైనా, చలైనా, సాయంత్రం వరకూ పని చేసినా శ్రమ అనిపించదు.
ఒక్కోసారి కొందరు వచ్చి తమ అనుభవాలు, మా పనికి కృతజ్ఞతలు చెబుతుంటారు. కొన్నిసార్లు మేం వెళ్లే ముందే అక్కడ రోడ్డు ప్రమాదం జరిగేది. ముందొచ్చుంటే అది జరగకపోయేది కదా అనిపిస్తుంది. నేనూ ఈ సేవలో భాగస్వామినవడం సంతోషంగా ఉంది. ఇప్పుడు నేనూ కూడా రోడ్ల మీద గుంతలున్నాయేమోనని వెతుకుతుంటాను. 64 ఏళ్ల వయసులో ఇదంతా ఎలా చేయగలుగుతున్నారని అడుగుతుంటారు. కొందరి ప్రాణాల్నైనా కాపాడాలనే ప్రయత్నం ముందు వయసు గుర్తురాదు. హైదరాబాద్‌లోనూ, శివారు ప్రాంతాలకూ తిరుగుతుంటాం. నెలకు రూ.30 వేలు అవుతోంది. ఖర్చంతా మాదే. ఈ పదేళ్లలో వందల గుంతలను పూడ్చాం. దీన్నో ఉద్యమంలా భావిస్తున్నాం. ఇది మరికొందర్లో స్ఫూర్తిని కలిగిస్తే రోడ్డు ప్రమాదాలను అరికట్టొచ్చు. తెలంగాణ గవర్నరు తమిళిసై, బాలీవుడ్‌ నటుడు అమితాబ్‌బచ్చన్‌ వంటి వారు ప్రశంసించడం మరవలేను.


మరిన్ని

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

ఆరోగ్యమస్తు

మరిన్ని

అనుబంధం

మరిన్ని

యూత్ కార్నర్

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

బ్యూటీ & ఫ్యాషన్

మరిన్ని