భారతసంతతి మహిళకు యూరోపియన్‌ ఇన్వెంటర్‌ పురస్కారం
close
Published : 29/07/2021 01:53 IST

భారతసంతతి మహిళకు యూరోపియన్‌ ఇన్వెంటర్‌ పురస్కారం

ఇండో అమెరికన్‌ శాస్త్రవేత్త సుమితా మిత్రాను ప్రతిష్ఠాత్మక ‘యూరోపియన్‌ ఇన్వెంటర్‌’ అవార్డు వరించింది. దంతవైద్యంలో నానోటెక్నాలజీ  వినియోగం దిశగా పరిశోధనలు చేపట్టి, ‘నాన్‌ యూరోపియన్‌ కంట్రీ’ విభాగంలో ఈ గౌరవాన్ని దక్కించుకున్నారీమె.
దంతాలకు ఫిల్లింగ్‌ చేసేటప్పుడు వాటి రంగుకు సరి పోయేలా, అతి తేలికైన, బలమైన పదార్థాన్ని సుమితా ఆవిష్కరిచారు. దీన్ని నానోటెక్‌ ఫిల్లింగ్‌ అంటారు. అమెరికాలోని ఓ పరిశోధనా సంస్థలో నోటి సంరక్షణా విభాగంలో కెమిస్ట్‌ ఆవిడ. అక్కడ పని చేస్తూనే నానోటెక్‌ ఫిల్లింగ్‌పై సుదీర్ఘకాలం పరిశోధనలు చేశారు. అక్కడ పదవీ విరమణ చేసినా తన కృషిని ఆపలేదు. 2010లో సొంతంగా ‘మిత్రా కెమికల్‌ కన్సల్టింగ్‌’ ప్రారంభించారు. దీని ద్వారా కెమికల్‌ సైన్సెస్‌లో టెక్నాలజీ, ప్రొడక్ట్‌ డెవలప్‌మెంట్‌పై కన్సల్టెన్సీ సర్వీసెస్‌ను అందించే వారు. దంతవైద్యంలో వినియోగించే పదార్థాలు, నానోటెక్నాలజీ వంటి ఆధునిక విధానాల్లోనూ సేవలందించారు.

పరిశోధనా ఫలితం... పాలిమర్‌ కెమిస్ట్రీలో తన అనుభవానికి పలు పరిశోధనలను జోడించారు సుమితామిత్ర. నానో క్లస్టర్స్‌ అనే పదార్థాన్ని అభివృద్ధి చేశారు. నానోపార్టికల్స్‌ నుంచి తయారైన ఈ పదార్థం దంతాల ఫిల్లింగ్‌కు అనువుగా ఉంటుంది. ఇప్పటి వరకు వినియోగిస్తున్న పదార్థాల కన్నా ఇది మరింత నాణ్యమైంది. అంతేకాదు, చాలా తేలికగా ఉండటంతోపాటు పటిష్టమైంది. దంతాల్లో కావిటీని పూడ్చటానికి ఉపయోగించినప్పుడు వాటి రంగుకు సరిపడేలా మ్యాచ్‌ చేసుకునే అవకాశం ఇందులో ఉంటుంది. ఫిల్లింగ్‌ చేసినట్లుగా కనిపించకుండా, సహజసిద్ధమైన దంతాల్లా కనిపించేలా చేసే ఈ నానోక్లస్టర్స్‌ వైద్యులు, దంత రోగులను ఆకట్టుకుంది. ప్రజలకు ఉపయోగపడే అంశంలో గొప్ప పరిశోధనలు చేసే వారికి ఏటా యూరోపియన్‌ పేటెంట్‌ ఆఫీస్‌ ‘యూరోపియన్‌ ఇన్వెంటర్‌ అవార్డు’ ఇస్తుంది. ఈ ఏడాది పురస్కారానికి సుమితా మిత్రా ఎంపికయ్యారు. ‘నానో టెక్నాలజీ విధానం ఓ కొత్త ప్రయోగానికి అవకాశాన్నిచ్చింది. నేను కనిపెట్టిన ఈ పదార్థాన్ని పాడైన దంతాలను ఫిల్‌ చేయడానికి మాత్రమే కాకుండా, దంతాలకు పాలిష్‌, ముందు వరుసలో ఉండే దంత సమస్యలకు వినియోగించొచ్చు. దీని వల్ల అందరికీ స్వేచ్ఛగా నవ్వగలిగే అవకాశం లభిస్తుంది. అంతే కాదు, దీర్ఘకాల దంత సమస్యలకూ ఇది పరిష్కారాన్నిస్తుంది. ఈ అవార్డు నాకు ప్రత్యేకం’ అని చెబుతున్నారు సుమితామిత్రా. గొప్ప పరిశోధకురాలిగా గుర్తింపు పొందిన సుమితా మిత్రా 2018లో ప్రతిష్ఠాత్మక అమెరికన్‌ కెమికల్‌ సొసైటీ నుంచి ‘హీరోస్‌ ఆఫ్‌ కెమిస్ట్రీ’ అవార్డును దక్కించుకున్నారు. అంతేకాదు, ‘ఐఏడీఆర్‌ పేన్‌ స్కిన్నర్‌’తోపాటు మరెన్నో పురస్కారాలనూ అందుకున్నారు.

మరిన్ని

నారీ... వ్యాయామ దారి!

ఇంట్లో పనే ఎక్సర్‌సైజు... ఒక గృహిణి అభిప్రాయం. ఆఫీసుకెళ్లొచ్చే సరికే టైం అయిపోతుంది. మళ్లీ జిమ్‌కు వెళ్లే తీరిక ఎక్కడిది? ఒక ఉద్యోగిని ఆవేదన. జిమ్‌ కెళ్లినా అక్కడ మగవాళ్లతో పాటు చేయలేం... ఇదో యువతి సమస్య... ఆరోగ్యాన్ని కాపాడుకోవాలనే ఆలోచన ఉంటే మార్గాలు బోలెడు ఉన్నాయంటున్నారు...జీరోసైజ్‌ లేదా సన్నగా, నాజూగ్గా ఉండాల్సిన అవసరం సినీతారలు, మోడల్స్‌కు మాత్రమే. మేమెందుకు నోరు కట్టేసుకోవాలి, కసరత్తులంటూ చెమటోడ్చాలి అనే భావన చాలా మంది మహిళల్లో ఉండేది. గృహిణులకు ఇంటిపనే సరిపోతుందిలే’ అనే అపోహ ఉండేది. ఇప్పుడు మహిళలకూ ఉద్యోగ, ఉపాధి అవకాశాలు పెరగటంతో జీవనశైలిలో మార్పులు వచ్చాయి.

తరువాయి

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

తరువాయి

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

తరువాయి

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని