భరణం ఇవ్వాల్సి వస్తుందని ఉద్యోగం మానేశాడు!  
close
Updated : 18/03/2021 02:51 IST

భరణం ఇవ్వాల్సి వస్తుందని ఉద్యోగం మానేశాడు!  

నా వయసు  ఇరవై ఏడేళ్లు. ఉద్యోగినిని. ఆరేళ్ల క్రితం మాకు పెళ్లయ్యింది. అతడు అనుమానంతో తరచూ శారీరకంగా, మానసికంగా వేధిస్తుంటే తట్టుకోలేక రెండేళ్ల క్రితం విడాకులకు దరఖాస్తు చేసుకున్నాను. అప్పటి నుంచి వివిధ కారణాలతో వాయిదాలు కోరుతూనే ఉన్నాడు. ఒకవేళ డైవోర్స్‌ ఇచ్చినా... భరణం మాత్రం ఇవ్వనంటున్నాడు. తాను నిరుద్యోగినని, మెయింటెనెన్స్‌ ఇవ్వలేనని చెప్పడం కోసమే ఉద్యోగం కూడా మానేశాడు. కానీ తాత, తండ్రి నుంచి వచ్చిన స్థిర చరాస్తులు ఉన్నాయి. నాకేదైనా సలహా ఇవ్వగలరు.

- ఓ సోదరి

ర్త నుంచి విడాకులు తీసుకునేటప్పుడు హిందూ వివాహ చట్టంలోని సెక్షన్‌-25 ప్రకారం ఏక మొత్తంలో శాశ్వత భరణం అడగొచ్చు. సాధారణంగా భార్య ఉద్యోగం చేస్తూ, భర్త నిరుద్యోగి అయితే మెయింటెనెన్స్‌కి ఆమె అర్హురాలు కాదు. కాకపోతే అతడికి ఉద్యోగం లేకపోయినా ఆస్తులు ఉన్నాయని చూపించి శాశ్వత భరణం కోరవచ్చు. మీరు తెచ్చుకున్న పుట్టింటిధనం(కట్నం),వస్తువులు, బంగారం వంటివాటిని తిరిగి ఇప్పించమని కోరడంతో పాటు... మానసికంగా హింసించినందుకు, పెళ్లి తర్వాత మీరు నష్టపోయిన జీవితం... అన్నింటికీ కలిపి లెక్కగట్టి శాశ్వత భరణం ఇవ్వమనొచ్చు. అయితే భర్త ఆస్తిలో భాగం అడిగే హక్కు మాత్రం ఇప్పటిదాకా లేదు. విడాకులు, మెయింటెనెన్స్‌ కేసుల్లో భరణం పొందాలంటే ముందు మిమ్మల్ని మీరు పోషించుకోలేని స్థితిలో ఉన్నారని నిరూపించాలి. ఇద్దరూ కలిసి కొన్న ఆస్తులకు ఆధారాలు సమర్పించగలిగితే ఆస్తిలో భాగం అడిగి తీసుకోవచ్చు. ముందుగా  వీలైతే పరస్పర ఒప్పందం ద్వారా విడాకులు తీసుకోవడానికి ఒప్పించండి. అప్పుడు పెద్ద మనుషుల సాయంతో భరణం విషయంలో సెటిల్‌మెంట్‌ చేసుకోవచ్చు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి