చిటికెలో తయారయ్యే జ్యూస్‌లు...
close
Published : 23/03/2021 01:11 IST

చిటికెలో తయారయ్యే జ్యూస్‌లు...

ఈ కాలంలో చల్లచల్లని జ్యూస్‌లు తాగితే భలే ఉంటుంది కదా... వాటిలో తగినన్ని పోషకాలూ ఉంటే ఆరోగ్యానికీ మంచిది. ఇవన్నీ అలాంటివే. అంతేకాదు చిటికెలో తయారవుతాయి కూడా.
ద్రాక్షరసం: పావుకేజీ ద్రాక్ష పండ్లను రెండు, మూడుసార్లు బాగా కడగాలి. వీటిలో రెండు టేబుల్‌స్పూన్ల తేనె, చిటికెడు మిరియాలపొడి, కొద్దిగా ఉప్పు వేసి జ్యూసర్‌లో రసం తీయండి. ఈ రసాన్ని వడకట్టి ఐస్‌క్యూబ్స్‌ వేసుకుంటే తియ్యని ద్రాక్ష జ్యూస్‌ రెడీ.

పుచ్చకాయ జ్యూస్‌: దీన్ని చిన్న ముక్కల్లా కోసుకోవాలి. గింజలు తీసేయాలి. ఈ ముక్కల్లో నాలుగు చెంచాల పంచదార వేసి, అరచెక్క నిమ్మరసం పిండాలి. వీటిని జ్యూసర్‌లో వేసి రసం తీసుకోవాలి. ఇష్టమైతే ఐస్‌క్యూబ్స్‌ వేసుకోవచ్చు లేదా చల్లని నీళ్లు కలిపి తాగేయొచ్చు.

తర్బూజాతో: ఈ పండును చిన్న ముక్కల్లా కోసుకోవాలి. దీంట్లో రెండు చెంచాల పంచదార వేయాలి. దీనికి బదులుగా కాస్త తేనె కూడా కలపొచ్చు. ఈ ముక్కలను జ్యూసర్‌లో వేసి రసం తీయాలి. ఇష్టమైతే ఐస్‌క్యూబ్స్‌ వేసుకోవచ్చు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి