కోపాన్ని తగ్గించుకునేదెలా?
close
Published : 23/03/2021 01:11 IST

కోపాన్ని తగ్గించుకునేదెలా?

నా వయసు 35. నాకు కోపమెక్కువ. చిన్న విషయంలోనైనా సరే ఎదుటివారితో విభేదించినప్పుడు వెంటనే కోపం వచ్చేస్తుంది. ఆ సమయంలో గట్టిగా వారిపై అరిచేస్తా. దీంతో తరచూ గొడవలు అవుతున్నాయి. ఇదెలా తగ్గించుకోవాలి?  - ఓ సోదరి
కోపాన్ని నియంత్రించుకోలేకపోవడం మీ సమస్య అని తెలుస్తోంది. ఉద్వేగాలను అదుపుచేసుకునే తీరు... మనిషి స్వభావాన్ని బట్టి మారుతుంది. దీనికి కారణాలనేకం. మీ వ్యక్తిత్వంలో భాగంగా చిన్నప్పటి నుంచీ ఈ టెంపర్‌మెంట్‌ వచ్చి ఉండొచ్చు. ఆ సమయంలో మీ తల్లిదండ్రులు దాన్ని నియంత్రించే చర్యలు చేపట్టకపోవడంతో అది క్రమంగా పెరుగుతూ వచ్చిందేమో. రెండోది... అమ్మానాన్నలు లేదా కుటుంబ సభ్యుల నుంచి ఇది మీకు వంశపారంపర్యంగానూ వచ్చే అవకాశాలున్నాయి. లేదా అతి గారాబం, క్రమశిక్షణ వల్ల కూడా మీరిలా మారి ఉండే అవకాశం ఉంది. ఈ మూడింటిలో దేనివల్ల మీరిలా మారారో తెలుసుకోవడానికి మిమ్మల్ని మీరు ఓసారి నిశితంగా గమనించుకోండి.
మందులు వాడాలి...
కోపాన్ని నియంత్రించుకోలేకపోవడం వల్ల సమస్యలు ఎదురవుతున్నాయి అంటున్నారు కాబట్టి మీరొకసారి మానసిక వైద్యులను సంప్రదించండి. సాధారణంగా కొన్ని రకాల మానసిక వ్యాధుల్లోనూ కోపాన్ని అదుపు చేసుకోలేరు. వారు మిమ్మల్ని పరీక్షించి అది ఏ రకమైన సమస్య అనేది నిర్ధారిస్తారు.  కోపోద్రేకాలను తగ్గించడానికి మాత్రలు సూచిస్తారు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి