జుట్టుకు గులాబీల పూత
close
Updated : 28/03/2021 00:41 IST

జుట్టుకు గులాబీల పూత

ఎండాకాలంలో తలలో ఎక్కువగా చెమట పడుతుంది. దుమ్ము, ధూళి చేరి ఒక రకమైన దుర్వాసన కూడా వస్తుంది. ఇదిలా కొనసాగితే జుట్టు మురికిగా మారి రాలడం మొదలవుతుంది. కాబట్టి ఈ కాలంలో వారంలో రెండుమూడుసార్లు తలను శుభ్రం చేసుకోవాలి.  అందుకోసం గులాబీ నీటిని ఉపయోగించి ప్రత్యేకమైన పూతలతో జుట్టును పట్టులా ఆరోగ్యంగా మార్చుకోవచ్చు కూడా. ఎలా అంటే...
తేనీటితో... ఈ పూతను తలస్నానానికి ముందు వేసుకోవాలి. ముందుగా కప్పు నీటిని వేడి చేసి అందులో టీ బ్యాగు వేయాలి. చల్లారిన తర్వాత ఈ టీ నీళ్లలో గులాబీ నీళ్లు కలపాలి. ఈ ద్రావణంతో జుట్టును తడిపి కాసేపు మర్దనా చేసుకుని ఆ తర్వాత షాంపు చేసుకుంటే సరి. ఇలా క్రమం తప్పకుండా చేస్తే జుట్టు మృదువుగా, ప్రకాశవంతంగా మారుతుంది. చిట్లడం తగ్గుతుంది.
కలబందతో.. ఈ పూత వేసుకునే సమయంలో జుట్టుకు నూనె లేకుండా చూసుకోవాలి. ముందుగా కప్పు గులాబీ నీటిలో చెంచా కలబంద గుజ్జును వేసి బాగా కలపాలి. ఈ మిశ్రమాన్ని జుట్టుకు పట్టించి, అరగంట తర్వాత కడిగేయాలి. ఇలా వారంలో ఒకట్రెండుసార్లు చేస్తే.. జుట్టు ఫ్రెష్‌గా మారుతుంది. దుర్వాసన రాదు.  వెంట్రుకలు కాంతివంతంగా, పట్టులా మెరుస్తాయి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి