గులాబీలు మాయ చేస్తాయి..!
close
Updated : 03/04/2021 03:39 IST

గులాబీలు మాయ చేస్తాయి..!

ఎంత జాగ్రత్తగా ఉన్నా... ఎండలకు ముఖం కందిపోతుంది. నీరసంతో వాడిపోతుంటుంది. అలాంటప్పుడు ఈ గులాబీప్యాక్‌ను ప్రయత్నిస్తే తేడా మీకే తెలుస్తుంది.

ఎలా చేయాలంటే...
గుప్పెడు గులాబీ రేకలను శుభ్రంగా కడగాలి. వీటిల్లో చెంచా ముల్తానీ మట్టి, అరచెంచా పసుపు వేసి బరకగా పేస్టు చేయాలి. ఇలా చేయడం వల్ల వైట్‌, బ్లాక్‌హెడ్స్‌ను సులువుగా తొలగించవచ్చు. దీన్ని ముఖం, మెడకు రాసి పది నిమిషాలు ఆరనివ్వాలి. తర్వాత వేళ్లను చన్నీళ్లలో ముంచి ముఖాన్ని సవ్య, అపసవ్య దిశల్లో సున్నితంగా మర్దనా చేసి శుభ్రం చేసుకోవాలి. గులాబీరేకలు స్క్రబ్‌లా పనిచేస్తాయి.
ముల్తానీ మట్టి.. మృత కణాలు, బ్లాక్‌, వైట్‌హెడ్స్‌ను తొలగించి చర్మానికి సహజమైన మెరుపును అందిస్తుంది. పసుపులోని యాంటీబ్యాక్టీరియల్‌ లక్షణాలు మొటిమలు, మచ్చలను నిర్మూలిస్తాయి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి