తరచూ ఇలా చేస్తున్నారా...
close
Published : 04/04/2021 02:49 IST

తరచూ ఇలా చేస్తున్నారా...

అందం, అలంకరణ పేరుతో మనం చేసే కొన్ని పొరపాట్లు చర్మాన్ని పాడు చేస్తాయి. వాటికారణంగా చర్మానికి ఎదురయ్యే సమస్యలు ఏంటో చూద్దాం!
ఎక్కువసార్లు ముఖం కడిగితే
చాలామంది చేసే పొరపాటు  రోజులో నాలుగైదుసార్లైనా ముఖం కడిగేయడం. ఇలా చేస్తే ముఖంలో మురికిపోయి తాజాగా కనిపిస్తారని భ్రమపడతారు. కానీ తరచూ ముఖం కడగడం వల్ల  పొడారిపోతుంది.  మృతకణాలు ఒక  పొరగా ఏర్పడి వృద్ధాప్య లక్షణాలు కనిపిస్తాయి. అలాగే సబ్బుతో తరచుగా ముఖం కడిగే వారిలో సెబాషియస్‌ గ్రంథి ఎక్కువగా పనిచేసి ముఖాన్ని జిడ్డుగా మారుస్తుంది .  
క్లెన్సర్లు అదేపనిగా
మురికిని తొలగించుకోవాలన్న అభిప్రాయంతో శక్తివంతŸమైన అంటే గాఢత ఎక్కువగా ఉన్న రసాయనాలతో కూడిన క్లెన్సర్‌ని కొందరు అదేపనిగా వాడేస్తుంటారు. ఇది మంచి పద్ధతి కాదు.  అతిగా క్లెన్సర్లని వాడటం వల్ల దీనిలోని బెంజైల్‌ పెరాక్సైడ్‌ చర్మాన్ని ఇరిటేషన్‌కి గురి చేస్తుంది. దాంతో చర్మం ఎర్రగా కమిలిపోయే ప్రమాదం ఉంది.
ఒకేసారి ఎక్కువ ఉత్పత్తులు
మనకిష్టమైన బ్రాండ్‌ నుంచి కొత్త ఉత్పత్తి వచ్చిందని తెలియగానే దాన్ని వాడేయాలని తహతహలాడతాం. కానీ అంత వేగంగా చర్మం తన పీహెచ్‌ స్థాయిలని మార్చుకోవడం సాధ్యపడదు. ఒకేసారి ఎక్కువ ఉత్పత్తులని వాడటం లేదా వెంటవెంటనే ఉత్పత్తులని మార్చడం  మంచి పద్ధతులు కాదు. షాంపూలతో  చర్మంపై అలర్జీలు దాడిచేసినప్పుడు మనం ముందుగా అనుమానించేది ఆహారాన్నే. ఉదయం నుంచి ఏం తిన్నామా  అని ఆలోచిస్తాం. కానీ ఇలాంటి వాటి వెనుక షాంపూలూ, కండీషనర్ల ప్రభావం కూడా ఉంటుందని తెలుసుకోండి. ఈసారి అలర్జీ వస్తే షాంపూని కూడా అనుమానించాల్సిందే. ముఖం, భుజాలూ, మెడ వెనుక భాగంలో వచ్చే అలర్జీలకు షాంపూలు కూడా కారణమయ్యే అవకాశం ఉంది. తస్మాత్‌ జాగ్రత్త.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి