కలయిక తర్వాత దురద... సమస్యా?
close
Published : 04/04/2021 02:58 IST

కలయిక తర్వాత దురద... సమస్యా?

నా వయసు 45. ఈ మధ్య తరచూ మూత్రానికి వెళ్లాలనిపిస్తోంది. అలాగే వెజైనా దగ్గర పొడిగా ఉండి దురద పెడుతోంది. కలయికలో పాల్గొన్న తర్వాత ఈ సమస్య మరింత ఎక్కువ అవుతోంది. ఇదేమైనా ప్రమాదమా?

- ఓ సోదరి

వయసులో డయాబెటిస్‌, ప్రీ డయాబెటిస్‌ వచ్చే అవకాశాలు ఎక్కువ. ఇవి ఉన్నప్పుడు తరచూ మూత్రం రావడం, ఆ ప్రాంతం పొడిబారడం, దురదపెట్టడం లాంటి లక్షణాలు కనిపిస్తాయి. ఊబకాయులైతే షుగరు, హోమా ఐఆర్‌ పరీక్షలు  చేయించుకోవాలి. సాధారణంగా వెజైనాలో వైరల్‌, ఫంగల్‌ ఇన్‌ఫెక్షన్లు ఉన్నప్పుడు కూడా ఇలాంటి లక్షణాలు ఎక్కువగా కనిపిస్తాయి. మీరోసారి గైనకాలజిస్ట్‌ను కలవండి. షుగరు నిర్థరణ అయితే ముందుగా ఆ వ్యాధిని నియంత్రణలో ఉంచుకోవాలి. సమతుల ఆహారం తీసుకుంటూ వ్యాయామం చేయాలి. ఇన్‌ఫెక్షన్‌ తగ్గడానికి దంపతులిద్దరూ మందులు వాడాలి. సమస్య పూర్తిగా తగ్గేవరకు కలయికలో పాల్గొనొద్దు. ప్రీ డయాబెటిక్‌ స్థితిలో ఉన్నప్పుడు ఇలా ఫంగల్‌ ఇన్‌ఫెక్షన్‌లు వచ్చే ప్రమాదం ఉంది. యాంటీబయోటిక్స్‌ ఎక్కువ వాడటం వల్లా ఈ సమస్య రావొచ్చు.  మూత్రంలో ఇన్‌ఫెక్షన్‌ ఉందేమో కూడా పరీక్ష చేయించుకోండి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి