పొట్ట తగ్గాలా...
close
Published : 05/04/2021 00:36 IST

పొట్ట తగ్గాలా...

పొట్ట తగ్గి చక్కటి శరీరాకృతిలో కనిపించాలని అంతా అనుకుంటాం. కానీ ఆచరణలో పెట్టడంలో మాత్రం విఫలమవుతుంటాం. ఈసారి వీటిని ప్రయత్నించి చూడండి.
పైలెట్స్‌... పొట్ట తగ్గడానికి చేసే వ్యాయామాల్లో పైలెట్స్‌ను ప్రధానంగా చెప్పొచ్చు. ఈ వర్కవుట్‌ చేయడం వల్ల పొట్ట దగ్గరి కొవ్వు సులువుగా కరుగుతుంది. అంతేకాదు పొట్ట, వెన్నుకు రక్షణ కల్పించే కండరాలు ఎలాస్టిసిటీని పొందుతాయి. దాంతో పొట్ట చుట్టూ ఉన్న కొవ్వు సులువుగా తగ్గుతుంది. శరీరమంతా రక్తప్రసరణ బాగా జరుగుతుంది. ఫలితంగా కాలి వాపులు తగ్గుతాయి. దీన్ని క్రమం తప్పకుండా చేయడం వల్ల చక్కటి శరీరాకృతి మీ సొంతమవుతుంది.
ప్లాంక్‌.. ఇది కండరాలను బలోపేతం చేయడంతోపాటూ పొట్టనూ తగ్గిస్తుంది. రోజులో ఎప్పుడైనా ఎక్కడైనా సులువుగా చేసే వర్కవుట్‌ ఇది. అయితే ప్రారంభంలో తక్కువ సమయంతో మొదలుపెట్టి క్రమంగా పెంచుకుంటూ వెళ్లాలి.
తగినన్ని నీళ్లు... రోజూ కనీసం మూడు నాలుగు లీటర్ల నీటిని తాగితే... శరీరంలోని వ్యర్థాలు బయటకు వెళ్లిపోతాయి. నీళ్లు సమృద్ధిగా తాగడం వల్ల పొట్ట తగ్గడమే కాదు. కాంతివంతమైన చర్మం మీ సొంతమవుతుంది. నీటితోపాటు యాంటీఆక్సిడెంట్లు మెండుగా ఉండే గ్రీన్‌ టీ, పండ్ల రసాలనూ తీసుకుంటూ ఉండాలి.
ఊహలు... మీకు నచ్చిన దుస్తులు వేసుకున్నట్లు ఊహించుకోండి. ఆ ఊహను వాస్తవంగా మార్చడానికి ప్రయత్నించండి. సమతులాహారం, క్రమంతప్పని వ్యాయామం, కంటి నిండా నిద్ర వల్ల అధిక బరువు, అదనపు కొవ్వు.. లాంటి సమస్యలు దరి చేరవు.
ఒత్తిడిని తగ్గించుకోండి... ఈరోజుల్లో ఒత్తిడి, ఆందోళన సర్వసాధారణమైపోయాయి. అయితే కొందరు ఒత్తిడిగా ఉన్నప్పుడు ఎక్కువగా ఆహారాన్ని తినేస్తారు. ఇదిలా కొనసాగితే అధిక బరువు, పొట్టకు దారితీస్తుంది. ఒత్తిడి వల్ల హార్మోన్లలో కలిగే హెచ్చుతగ్గులే ఇందుకు కారణం. కాబట్టి స్ట్రెస్‌ను నియంత్రించుకోవాలి. అందుకోసం యోగా, ధ్యానం లాంటివి రోజూ చేయడాన్ని అలవాటుగా మార్చుకోండి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి