నాజూకైన చేతుల కోసం...
close
Published : 08/04/2021 00:20 IST

నాజూకైన చేతుల కోసం...

స్నేహితురాలు వేసుకున్న టాప్‌ రష్మికి చాలా నచ్చేసింది. ఎంతో ముచ్చటపడి సరిగ్గా అలాంటిదే కొనుక్కుంది. అంతా సరిపోయిందిగానీ చేతులు దగ్గర మాత్రం పట్టేసింది. చాలామందికి శరీరమంతా సన్నగానే ఉన్నా ఇలా చేతులు మాత్రం లావుగా ఉంటాయి. ఇలాంటి వారందరికీ ఈ వ్యాయామాలు ఎంతగానో ఉపయోగపడతాయి.

చేతులను ముందుగా భుజాలకు సమానంగా చాపి పైకి లేపి కిందకు తీసుకురావాలి. ఇలా పదిసార్ల చొప్పున మూడు సెట్లు చేయాలి. దీంతో చేతుల దగ్గర ఉండే కండరాలు వదులవుతాయి.
* రెండు చేతులతో బరువైన వస్తువును ముందుకు తోస్తున్నట్లు చేయాలి. ఆ తర్వాత దాన్ని వెనక్కు లాగుతున్నట్టు చేయాలి. ఇలా చేస్తున్నప్పుడు చేతులు తలకంటే పైకి ఉండేలా చూసుకోవాలి.
* భుజాలకు సమానంగా చేతులను చాపి తర్వాత ముందుకు తీసుకొచ్చి... ఒక చెయ్యి మీద మరో చెయ్యి పెట్టాలి. చేతులు ‘ఎక్స్‌’ ఆకారంలో ఉండేలా చూసుకోవాలి. ఇలా విడతకు పది చొప్పున మూడు సార్లు చేయాలి.
* నిటారుగా నిలబడి చేతులను పైకి ఎత్తి నమస్కార ముద్రలో ఉంచాలి. వాటిని అదే స్థితిలో ఉంచి వెనక్కు మెడ కింద వరకూ తీసుకెళ్లాలి. ఈ స్థితిలో ఎంతసేపు ఉండగలిగితే అంతసేపు ఉండాలి. ఇలా ఇరవై చొప్పున మూడుసార్లు చేయాలి. నేరుగా చేతులను వీపు వెనక పెట్టి కూడా నమస్కార ముద్ర వేయొచ్చు.
* చేతులను పక్కకు చాపి వేళ్లను మూసి... గుప్పిటని సవ్య, అపసవ్య దిశల్లో తిప్పాలి. ఇలా ఇరవైసార్లు చేస్తే విశ్రాంతి లభిస్తుంది.
ఈ వ్యాయామాలకు  క్రమం తప్పకుండా కొన్ని రోజులు చేస్తే తేడా స్పష్టంగా  మీకే తెలుస్తుంది.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి