పిల్లల్ని తీసుకెళ్లిపోయాడు తెచ్చుకునేదెలా?
close
Published : 08/04/2021 00:26 IST

పిల్లల్ని తీసుకెళ్లిపోయాడు తెచ్చుకునేదెలా?

నా వయసు ముప్పై ఏళ్లు. మనస్పర్థల కారణంగా నా భర్తకి దూరంగా ఉంటున్నా. విడాకులకు దరఖాస్తు చేశా...ఇంకా మంజూరు కాలేదు. మాకు పదేళ్లలోపు ఇద్దరు అమ్మాయిలు ఉన్నారు. ఉద్యోగ రీత్యా నేను ప్రస్తుతం వేరే నగరంలో ఉంటూ పిల్లల్ని మా అమ్మానాన్నల సంరక్షణలో ఉంచా. ఈ మధ్య మాకెవరికీ తెలియకుండా పిల్లల్ని స్కూలు నుంచి నా భర్త తీసుకెళ్లిపోయాడు. అడిగితే నాకూ హక్కుందని వాదిస్తున్నాడు. తిరిగి మా అమ్మాయిల్ని తెచ్చుకోవాలంటే నేనేం చేయొచ్చు.

- ఓ సోదరి

చిన్నారుల ఇష్టాయిష్టాల మీద వారి కస్టడీ ఆధారపడి ఉంటుంది. వాళ్లకి ఇష్టం లేకుండా బలవంతంగా తీసుకెళ్లడానికి వీలు లేదని చట్టం చెబుతోంది. పిల్లల్ని తనకు అప్పగించమని కోరుతూ మీ భర్త విడాకుల కేసుతో పాటే దరఖాస్తు చేసుకోవాల్సింది. లేదా హిందూ మైనార్టీ అండ్‌ గార్డియన్‌షిప్‌ యాక్ట్‌ సెక్షన్‌ 8(1)కింద కూడా పిటిషన్‌ వేసి ప్రయత్నించాల్సింది. అవేవీ లేకుండా బలవంతంగా వారిని తన వెంట తీసుకువెళ్లడానికి వీల్లేదు. వాస్తవానికి చట్టప్రకారం తల్లిదండ్రులిద్దరూ సహజ సంరక్షకులే. కాబట్టి హిందూ వివాహచట్టంలోని సెక్షన్‌-26 ప్రకారం ఇరువురికీ విడాకుల కేసుతో పాటు బిడ్డల కస్టడీ అడిగే అవకాశం ఉంటుంది.
ప్రస్తుతం మీరు... మీ భర్త మీ అమ్మాయిల్ని తీసుకువెళ్లిన విషయం చెబుతూ...వారిని మీకు అప్పగించమని గార్డియన్‌ అండ్‌ వార్డ్స్‌ యాక్ట్‌-25(1) ప్రకారం కోర్టుని కోరవచ్చు. అయితే ఎవరు వాళ్ల బాధ్యతను చూడాలన్నది మాత్రం న్యాయస్థానమే నిర్ణయిస్తుంది. అయితే వీటన్నింటికంటే ముందు మీరు పిల్లల్ని బలవంతంగా అతడు తీసుకెళ్లాడని స్థానిక పోలీస్‌స్టేషన్‌లో కానీ విమెన్‌ ప్రొటెక్షన్‌ సెల్‌లో గానీ ఫిర్యాదు చేయండి. వాళ్లు పిలిపించి మాట్లాడతారు. చిన్నారుల క్షేమం, వారి ఇష్టాయిష్టాల ఆధారంగా ఎవరి దగ్గర ఉంటే మంచిదో సూచిస్తారు. అయితే అది తాత్కాలికమే. శాశ్వత పరిష్కారాన్ని కోర్టు ద్వారానే తేల్చుకోవాల్సి ఉంటుంది. వెంటనే ఓ లాయర్‌ని కలవండి. ప్రయత్నిస్తే... మీ పిల్లలు మీ దగ్గరకు వచ్చే అవకాశాలు ఉన్నాయి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి