పిల్లల మనసు తెలుసుకోండిలా..
close
Published : 10/04/2021 01:53 IST

పిల్లల మనసు తెలుసుకోండిలా..

ఓపికగా వినాలి.. పెద్దవాళ్లు ఏం చెప్పినా పిల్లలు వినాలి. కరెక్టే. కానీ అప్పుడప్పుడు పిల్లల మాట కూడా పెద్దవాళ్లూ వినాలని చెబుతున్నారు మానసిక నిపుణులు. ఎందుకంటే...

పిల్లలు ఏదైనా విషయం చెప్పబోతుంటే కొంతమంది అమ్మానాన్నలు ‘నాకు బోలెడంత పనుంది...ఉండు’ అంటూ కోప్పడతారు. వాళ్లేం చెబుతున్నారో పట్టించుకోరు. అలా ఎప్పుడూ చేయొద్దు. అసలు వాళ్ల మనసులో ఏముందో, వాళ్లు మీకేం చెప్పాలనుకుంటున్నారో పూర్తిగా వినండి. తర్వాత వాళ్లేం చేయాలో చేయకూడదో జెప్పండి.
స్వేచ్ఛగా మాట్లాడనివ్వాలి..
అమ్మానాన్నలకి చెబితే కొట్టడమో, తిట్టడమో చేస్తారనుకుని చాలామంది పిల్లలు తమ సమస్యల్ని బయటపెట్టరు. అందుకే ఏ విషయాన్నైనా ధైర్యంగా పంచుకునేలా స్వేచ్ఛనివ్వాలంటున్నారు పరిశోధకులు. లేదంటే సమస్య ఏదైనా వస్తే తమలో తాము కుంగిపోతారు.
స్నేహం చేయండి..
పిల్లలు ఏదైనా సందిగ్ధంలో ఉంటే వాళ్లతో స్నేహితుల్లా మెలిగి సరైన సలహా ఇవ్వాలి. లేదంటే తెలిసీ తెలియని వాళ్లతో తమ సమస్యల్ని చెబుతారు. వారిచ్చే తప్పుడు సలహాలతో దారి తప్పే ప్రమాదమూ ఉంది.
సమయం వెచ్చించండి..
పిల్లలతో ఉదయం టిఫిన్‌ చేసే సమయంలో, రాత్రి పడుకునేముందు కొంచెం సమయాన్ని వెచ్చించండి. పిచ్చాపాటీ మాట్లాడుతూ అసలు వాళ్లేం చెప్పాలనుకుంటున్నారో మెల్లిగా రాబట్టండి. తర్వాత సమస్యకి పరిష్కారం చెబుతూ వాళ్లకి ధైర్యాన్నివ్వండి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి