ఎత్తు పెరగడానికి మందులున్నాయా...
close
Updated : 12/04/2021 04:44 IST

ఎత్తు పెరగడానికి మందులున్నాయా...

నా వయసు 25. ఎత్తు నాలుగున్నర అడుగులు మాత్రమే. పొట్టిగా ఉంటానని హీల్స్‌ వేసుకోవడం అలవాటు చేసుకున్నాను. కానీ రెండేళ్లుగా మడమల నొప్పితో బాగా ఇబ్బందిగా ఉంది. నేను ఎత్తు పెరగడానికి ఏమైనా మందులు ఉంటే చెబుతారా? - ఓ సోదరి
అమ్మాయిల్లో పెరుగుదల సాధారణంగా పద్దెనిమిదేళ్లకే ఆగిపోతుంది. రజస్వల అయిన మూడు, నాలుగు ఏళ్ల వరకే ఎత్తు పెరుగుతారు. అరవై నుంచి ఎనభైశాతం వరకు ఎత్తు అనేది వంశపారంపర్యంగానే వస్తుంది. మిగతాది పోషకాహారం, వ్యాయామాల మీద ఆధారపడి ఉంటుంది. ఎత్తు మడమల చెప్పులు వేసుకోవడం వల్ల చాలా ఇబ్బందులు వస్తాయి. బరువు మొత్తం పాదం మీద పడకుండా మడమలు, మోకాళ్ల మీద ఒత్తిడి పడుతుంది. దీంతో చిన్న వయసులోనే మోకాళ్ల నొప్పులూ, నడుము నొప్పీ వంటివి వచ్చే ప్రమాదం ఉంది.
ఏం చేయాలంటే: ఎక్కువ కాలంపాటు హీల్స్‌ వేసుకోకూడదు. కూర్చున్నప్పుడు చెప్పులు తీసేయాలి. ఎత్తు మడమల చెప్పులు వేసుకోక ముందు తర్వాత కూడా కొన్ని స్ట్రెచింగ్‌ వ్యాయామాలు చేయాలి. దీంతో కొంత రిలాక్స్‌ అవ్వొచ్చు. రెండు అంగుళాల కంటే ఎక్కువ ఎత్తు ఉన్నవి వేసుకోకూడదు. పాయింట్‌ హీల్‌ అసలు వాడొద్దు. చెప్పు మొత్తం ఎత్తుగా ఉన్నవి ఎంచుకోండి.
మందులుండవు: మీ వయసు పద్నాలుగు నుంచి పదహారేళ్ల మధ్యలో ఉంటే.. పరీక్షలు చేసి అవసరమైతే గ్రోత్‌ హార్మోన్‌ ఇంజెక్షన్లు ఇవ్వొచ్చు. పోషకాహార లోపం ఉంటే సరిచేయొచ్చు. వ్యాయామాలు చేసినా ఎత్తు పెరిగే అవకాశం ఉంటుంది. మీ వయసు 25 ఏళ్లు కాబట్టి ఎత్తు పెరిగే అవకాశం లేదు. అయినా ఎత్తు గురించి అతిగా ఆలోచించకుండా ఆత్మవిశ్వాసాన్ని పెంచుకోండి. అది అన్నిటికంటే ముఖ్యమైంది.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి