వంటింటి చిట్కాలు...
close
Published : 15/04/2021 01:13 IST

వంటింటి చిట్కాలు...

భర్త, పిల్లల అవసరాలు తీర్చి...కాస్త భోజనం బాక్సులో సర్దుకుని హడావిడిగా ఆఫీసుకి పరిగెత్తే మహిళలు చాలామందే. ఈ పరిస్థితుల్లో సమయానికి దొరకని వస్తువులు, జిడ్డుగా మారిన వంటగదితో బోలెడు ఇక్కట్లు. అలాంటివారి కోసమే ఈ చిట్కాలు.

ర్నాడు చేయబోయే వంట ఏంటో ముందే నిర్ణయించుకుంటే... బోలెడు సమయం మిగిలినట్లే అనిపిస్తుంది. ఎందుకంటే రేపేం వండాలి అనే సందిగ్ధతలో పడి...మిగిలిన పనులు ఆలస్యమవుతుంటాయి. వీలైతే వార ప్రణాళిక వేసుకుంటే మరీ మంచిది. అలానే వంటింట్లో వాడే పదార్థాలను టిఫిన్‌, భోజనం, స్నాక్స్‌...ఇలా వర్గీకరించుకోండి. వీటికి సంబంధించిన సీసాలన్నింటినీ ఒక్కో ట్రేలో పెట్టుకోండి. వంట చేసేప్పుడు అదొక్కటే దగ్గర పెట్టుకుంటే వెతుక్కునే అసవరం ఉండదు.

* వంటింట్లో పొయ్యి వెనుక గోడ జిడ్డు పేరుకుపోయి ఉంటుంది. దాన్ని స్టీలు పీచుతో అదేపనిగా తోమితే కానీ శుభ్రం కాదు. కానీ అది మాటల్లో చెప్పినంత తేలిక కాదు. రెండు రోజులకోసారైనా గోడపై కాస్త వంటసోడా చల్లి రుద్దండి. జిడ్డు వదిలిపోతుంది. అంతేకాదు వంట గట్టుని తుడిచేందుకు లింట్‌ఫ్రీ వస్త్రాల్ని వాడండి. ఇవి మీ పనిని సులువు చేస్తాయి. వంటగదిని శుభ్రంగానూ ఉంచుతాయి.

* కొన్ని కూరగాయలు, ఇతర పదార్థాలను నేరుగా వినియోగించేలా సిద్ధం చేసుకుంటే...వంట సమయం ఆదా అవుతుంది. ఉదాహరణకు పచ్చిమిర్చి, ఎండుమిర్చి తొడిమలు తీసి పెట్టుకోవడం, చింతపండు గుజ్జుగా చేసి ఉంచుకోవడం, చట్నీల్లోకి వినియోగించే పల్లీలను వేయించి పొడి చేసుకోవడం  వంటివి. ఇవి మీపై రోజువారీ ఒత్తిడిని తగ్గిస్తాయి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి