చర్మాన్ని మెరిపించే...తాడాట
close
Published : 17/04/2021 01:11 IST

చర్మాన్ని మెరిపించే...తాడాట

ఏం చేసినా పొట్ట తగ్గట్లేదా? అయితే రోజూ తాడాట ఆడండి. చక్కగా మీ పొట్ట తగ్గడమే కాదు ఆరోగ్యంగానూ ఉంటారు. ఇంకా స్కిప్పింగుతో బోలెడు లాభాలు...

* రోజూ క్రమం తప్పకుండా స్కిప్పింగ్‌ చేస్తే శరీరమంతా కదిలి రక్త ప్రసరణ బాగా జరుగుతుంది. దాంతో చర్మం కాంతివంతంగా మెరుస్తుంది. ఎన్ని ఫేస్‌క్రీమ్‌లు వాడినా రాని మెరుపు తాడాట ద్వారా పొందవచ్చు.
* మహిళలు స్కిప్పింగ్‌ చేయడం ద్వారా పొట్ట చుట్టూ ఉండే కొవ్వు కరుగుతుంది. శరీరం చక్కటి ఆకృతితో సౌకర్యవంతంగా ఉంటుంది.
* తాడాట ఆడేటప్పుడు అవయవాలన్నీ కదులుతాయి. కాబట్టి శరీరంలోని ఎముకలు, కండరాలు దృఢమవుతాయి. చర్మం మీద ఏర్పడే ముడతలూ తగ్గిపోతాయి. శ్వాస కూడా మెరుగవుతుంది. ఏకాగ్రత పెరుగుతుంది.
* రోజూ కనీసం పది నిమిషాలు స్కిప్పింగ్‌ చేస్తే ఒంట్లో పేరుకుపోయిన కొవ్వు కరిగి ఊబకాయం సమస్య రాదు. అరగంట ఆడితే 450 కెలొరీలు ఖర్చవుతాయి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి