కళ్లకి సాంత్వన...
close
Published : 26/04/2021 00:28 IST

కళ్లకి సాంత్వన...

ఎక్కువ సేపు కంప్యూటర్‌ ముందు కూర్చుని, కంటికింద వలయాలు ఏర్పడ్డాయా? కళ్ల చుట్టూ ఉన్న నలుపుతో ఇబ్బందిగా ఉందా? అయితే మీకోసమే ఈ చిట్కాలు..

రాత్రి పడుకునేముందు బాదం క్రీమ్‌ను కంటిచుట్టూ రాసి మర్దనా చేయండి. ఇలా క్రమం తప్పక చేస్తే వలయాలు తగ్గుముఖం పడతాయి.
* కమలాపండు రసంలో, కొద్దిగా పాలు కలిపి కళ్లకింద సున్నితంగా రాయండి. ఈవిధంగా చేస్తే కొన్ని రోజులకు కళ్ల చుట్టూ నలుపు పోతుంది.
* రోజ్‌వాటర్‌లో దూదిని ముంచి దాన్ని కళ్ల మీద పెట్టుకుని 10 నిమిషాలు ఉంచండి. దానివల్ల  అలసట తగ్గి ప్రకాశవంతంగా మెరుస్తాయి.
* టొమాటో గుజ్జు, పసుపు, నిమ్మరసం, సెనగపిండి అన్నీ కలిపి కళ్ల చుట్టూ రాసుకోండి. ఆరిన తర్వాత చల్లని నీటితో కడిగితే మంచి ఫలితం ఉంటుంది.
* పడుకునేముందు కీరదోస రసాన్ని కళ్ల చుట్టూ అప్లై చేసినా, కీరదోస ముక్కల్ని కళ్ల మీద పెట్టుకుని పదిహేను నిమిషాలు ఉంచినా డార్క్‌ సర్కిల్స్‌ తగ్గుతాయి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి