ముందుగానే సిద్ధం చేయండి!
close
Published : 26/04/2021 00:28 IST

ముందుగానే సిద్ధం చేయండి!

పిల్లలకు మూడేళ్లు రాగానే.. ‘మావాడిని స్కూల్లో వేసేయాలండీ’ అన్న మాట వింటుంటాం. కానీ దీనికీ ముందస్తు సన్నద్ధత కావాలి. ఎలాగంటారా? చదివేయండి.

* కథలను చదివి వినిపించండి. పుస్తకాలనే ఇందుకు ఉపయోగించండి. పుస్తకంతోపాటు వినడాన్నీ అలవాటు చేసినట్లవుతుంది. స్కూల్లో ఎలాగూ అలవాటవుతుందన్న భావన వద్దు. ఈ విధానం ఏకాగ్రతనూ పెంచుతుంది.
* చిన్న చిన్న పనులు చెప్పి చేయించండి. తప్పులు చేస్తే జాగ్రత్తలు చెప్పండి. ఇవన్నీ వారికి బాధ్యతను పెంచుతాయి.
* పిల్లలతో ఆడుకునేలా ప్రోత్సహించండి. ప్రస్తుత పరిస్థితిలో ఇంటికే పరిమితమైనప్పటికీ వీడియో కాల్స్‌ ద్వారా అయినా మీ స్నేహితుల పిల్లలతో మాట కల్పించండి. బయట ఎపుడైనా కనిపించినా.. పలకరించడం వంటివి చేయించండి. ఏదైనా ఇచ్చినా వారితోనే ఇప్పించండి. కొత్తవారితో కలవడం, పంచుకోవడం అలవాటవుతాయి.
* చిన్నపిల్లలతో బుజ్జిగా మాట్లాడుతుంటాం కదా! స్కూలు ఆలోచన ప్రారంభం కాగానే ఆ భాషను మార్చి మామూలుగా సంభాషణ జరపాలి. సీరియస్‌గా ఉండమని కాదు కానీ.. సరైన భాషలోకి తీసుకు రావడం లక్ష్యం.
* కొన్ని విషయాల్లో అప్పుడప్పుడూ నిర్ణయం తీసుకునే అవకాశం ఇవ్వండి. ఉదాహరణకు- వేసుకునే బట్టలు, ఆటలు, స్నాక్స్‌.. ఇలా.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి